Home Internasional Amu Papa Lamenta ho Asidente Dramatiku iha Mediteraneu

Amu Papa Lamenta ho Asidente Dramatiku iha Mediteraneu

Ema Nain 62 Mate no Nain 110 Lakon

53
0
SHARE
Amu Papa Lamenta ho Asidente Dramatiku iha Mediteraneu

Caption: Amu Papa Francisco (Photo: LUSA).

Amu Papa Francisco lamenta tebes konaba "asidente dramatiku" mak akontese Quinta-feira iha largo Líbia, Mediteraneu, neébe hamate ema nain 62, no nain 110 buka ladauk hetan, nudar fo sai iha Ajensia Notisias Lusa, edisaun 28/07/2019.

"Hau simu ho laran-moras notisias konaba asidente dramatiku mak akontese loron hirak ikus neé, iha tasi-laran Mediteraneu neébe imigrante lubuk ida mate, inklui feto no labarik sira", Papa hatoó hafoin resitasaun orasaun Anjelus.

Tuir ajensia Eklesia, Amu Papa husu ba komunidade internasional atu halo asaun "ho prontidaun no determinasaun" para evita akontesimentu mak hanesan iha loron oin, hodi garante seguransa no dignidade ba ema hotu.

Kuaze ema nain 145 mak hetan salvasaun, maibe nain 110 sira seluk lakon wainhira akontese asidente entre ro-ahi lubuk ida iha Quinta-feira semana neé, iha Mediteraneu Sentral, haktuir Organizasaun Internasional para Migrasoens (OIM).

Papa Francisco reza ho silensiu, hamutuk ho peregrinus sira seluk mak halibur malu iha Prasa Saun Pedro, hodi hatoó solidariedade ba vitimas ho sira nia familia, atraves reflesaun ho tema: "Pai, Porque?".

Haktuir Ajensia Notisias Lusa, Servisus Imigrasaun Líbia konsege identifika katak kuaze ema nain 350, inklui feto no labarik mak hamutuk iha ro-ahi hirak neébe involve iha asidente refere.

Imigrante hirak neé mai hosi, entre paízes, Eritreia, Ejitu, Sudaun no Líbia.* [Metodio Caetano Moniz | TAFARA.TL | 29.07.2019]


Fontes: Ajensia Notisias Lusa.