Home Sosial & Politika Asaun Prevene Corona, MTT Ho Konsiensia Rasik Rega Detergente Iha Fatin Publiku

Asaun Prevene Corona, MTT Ho Konsiensia Rasik Rega Detergente Iha Fatin Publiku

72
0
SHARE
Asaun Prevene Corona, MTT Ho Konsiensia Rasik Rega Detergente Iha Fatin Publiku

Caption: Movimentu Tasi Timor [MTT] rega transporte publiku sira hodi preven virus Corona. [Foto: Santina Lucia da Costa | 23.03.2020]

Virus Corona kontinua sai preokupasaun ema hotu nian, hosi parte Saude nian sosializa informasuan oinsa ema hotu bele horis hijiene, atu virus ne’ebe labele daet.

Situasaun ne’e hatudu asaun hosi Movimentu Tasi Timor [MTT] hodi halo limpeza ho konsiensia rasik, hodi kontribui ba nasaun ne’e, liu hosi fase Estrada ibun no rega portaun palacio governu, rega portaun palacio nian no transporte publiku sira ne’ebe mak halo movimentu iha Dili laran.

Ba TAFARA.TL Koordenador Jeral Gali Soares Araujo hateten liga ba situasaun ne’ebé akontese iha ita nia rai no iha mundu hotu, katak ita hasoru hela susar boot ne’ebé ita la konsege haree, mak naran virus Corona. Virus ne’e perigozu tebes, ita hotu hatene laiha vasina”,  Koodenador Jeral, Gali Soares Araujo ba Neon hateten Gali Araujo, iha Palasiu Governu nia oin 23/3.

Gali Soares Araujo hateten hanesan joven ba nasaun ne’e sente katak ami obrigasaun atu kontribui netik ho buat ruma, “komesa ohin hahu no ohin ba oin, ami presiza uituan ka barak kontribui hodi tama ba fatin publiku hodi fase fatin publiku sira, liuliu ho informasaun baziku hosi Ministeriu Saude dehan katak ita bele uza mak detergente, tanba virus ne’e, nia kona deteljente automatikamente, nia bele mate kedas”.

Gali hatutan maneira ne’e laos katak atu salva mundu, maibe hanesan parte hosi prevensaun deit, buat kiik ne’ebe mak sidadaun bele kontribui. Movimentu Tasi Timor ho esperansa boot katak uma kain sira seluk bele komesa hahu dadaun hamoos uma laran, hamos veranda, hodi hamutuk luta kontra virus Corona. Tanba ita la konsege virus ida ne’e, la konsege deskobre nia mai hosi neebe no nia lakon oinsa.

 “Ba loron primeiru ohin ne’e, ami mai uluk palasiu governu nia oin, hanesan medida ida atu tama ita nia governu, para ita tenke reazen lalais, ami hodi bee tanke 600 liter, ami hodi material hanesan, rinso, byclin, ai-sar, luvas, masker no seluk tan, para bele hahu ona serbisu balun iha terenu”,  dehan Gali Soares Araujo.

MTT nia tarjetu ba fatin publiku ne’ebé mak iha frekuense barak, hanesan Palasiu Governu, Largo Lecidere, Ospital Nasional, Aeroportu, ho fatin publiku sira seluk ne’ebé mak iha sirkulasaun ema barak nian. * [ Santina Lucia da Costa | Editor: Zevonia Vieira | TAFARA.TL 23.03.2020 ]