Home Sosial & Politika Bernard & Witness Kontribui Luta Ba Akordu FM, MKOTT: Hapara Prosekusaun Judisial Hasoru Sira

Bernard & Witness Kontribui Luta Ba Akordu FM, MKOTT: Hapara Prosekusaun Judisial Hasoru Sira

355
0
SHARE
Bernard & Witness Kontribui Luta Ba Akordu FM, MKOTT: Hapara Prosekusaun Judisial Hasoru Sira

Caption: MKOTT Sira halo konferensia imprensa hodi hato petisiaun publiku konaba hapara prosekusaun judisial advogadu Australianu Bernard Collaery ho Witness K.

"Hatudu espresaun hakfodak boot ho preokupasaun, ne’ebe MKOTT argumenta katak so ditador Soeharto, eiz prezidente Indonesia ne’ebe invade no okupa Timor-Leste, mesak mak bele halo no kondena prosekusaun ida ne’e, nu’udár ataka ida ba liberdade espresaun no ba demokrasia". MKOTT

Relasiona ho problema ne’ebe eis Advogadu Bernard Collaery hamutuk ho Witnes K, ne’ebe hetan presekusaun judisial hosi tribunal Autralia, liu hosi konferensia imprensa Movimentu Kontra Okupasaun Tasi Timor [MKOTT] hatoo petisaun publiku hodi husu ba Federeal Attorney General Australia nian, Christian Porter, hodi hapara prosekusaun judisial hasoru Advogadu Australianu Bernard no Witness.

Tuir MKOTT katak Bernard Collaery no Witness K nudar eroi ida ida ne’e liu hosi sira nia kontribuisaun no luta ba akordu fronteira maritima.

Portavoz MKOTT, Faustino Soares hateten MKOTT deklara katak so ditador Soeharto eiz prezidente Indonesia ne’ebe invade no okupa Timor-Leste, mesak bele halo no kondena prosekusaun ida ne’e nudar ataka ida ba liberdade espresaun no demokrasia.

Faustino hatutan katak, Timor-Leste prepara hela atu komemora loron referendum ba dala 20, bainhira Timor oan sira vota esmagadoramentu atu ukun rasik-an hosi Indonesia nia okupasaun.

Iha okaziaun ida ne’e, Timor-Leste ho Australia mos sei ratifika tratadu ba fronteira maritima. Loron 30 fulan agustu tinan 2019 sei marka mós instansia importante iha relasaun bilateral entre Timor-Leste ho Australia ho ratifikasaun ba tratadu fronteira maritime nasaun rua ne’e nian. Kestaun ida ne’ebé dezde 1999 sai tiha pontu de tensaun ida iha ita nia relasaun.

“Enkuantu Timor-Leste ho Auatralia atu selebra daudaun okaziaun importante ida ne’e, ami ne’ebé asina iha kraik ne’e nota ho arrenpendimentu boot katak, governu Australia kontinua prosekusaun judisiál hasoru advogadu Bernard Collaery ho Witness K. Ema na’in rua ne’e eroi ba akordu fronteira maritima no tanba ne’e sira nia prosekusaun sei hafo’er selebrasaun ne’e no mós relasaun bilateral”, hateten portavoz, 09/08, iha HAK.

Liu hosi dekarasaun ne’ebe MKOTT hatoo liu hosi konferensia imprensa iha HAK, loron 09/08, hatudu espresaun hakfodak boot ho preokupasaun, ne’ebe MKOTT argumenta katak so ditador Soeharto, eiz prezidente Indonesia ne’ebe invade no okupa Timor-Leste, mesak mak bele halo no kondena prosekusaun ida ne’e, nu’udár ataka ida ba liberdade espresaun no ba demokrasia.

Timor-Leste prepara hela atu komemora anniversariu Referendum ba dala-20 bainhira Timor oan sira vota esmagadoramente atu ukun rasik an husi Indonesia nia okupasaun. Iha okaziaun ida ne’e, Timor-Leste ho Australia mós sei ratifika tratadu ba fronteira marítima entre rai rua.

Iha deklarasaun MKOTT mos hatoo katak loron-30 fulan-Agostu tinan-2019 sei marka mós instânsia importante iha relasaun bilateral entre Timor-Leste ho Australia ho ratifikasaun ba tratadu fronteira marítima nasaun rua ne’e nian. Kestaun ida ne’ebé dezde 1999 sai tiha pontu de tensaun ida iha ita nia relasaun.

“Enkuantu Timor-Leste ho Australia atu komemora daudaun okaziaun importante ida ne’e, ami ne’ebé asina iha kraik ne’e nota ho arrependimentu boot katak governu Australia kontinua prosekusaun judisiál hasoru advogadu Bernard Collaery ho Witness K. Ema na’in rua ne’e eroi ba akordu fronteira marítima no tanba ne’e sira nia prosekusaun sei hafo’er selebrasaun ne’e no mós relasaun bilateral,” deklara MKOTT

Atu labele hafo’er selebrasaun loron-30 Agostu tinan ida ne’e mak MKOTT husu ba Australia nia Attorney General atu hapara prosekusaun ne’ebé la’o hela.

“Tanba ne’e-duni mak ami halo petisaun atu ita boot invoka autoridade ne’ebé Australian Judiciary Act 1903 Section 71 fó atu hapara tiha prosekusaun hasoru Bernard Collaery ho Witness K”, MKOTT ejize

Witness K mak fo sai informasaun katak Australia ninia intelejensia tau kamera iha salaun palacio governu no mos ninia adovgadu Bernard Collaerry no nudar mos advogadu ba Xanana Gusmao, ne’ebe sempre hamrik iha povu Timor-Leste nia sorin, maske iha situasaun defisil no sira tenke presekusaun.

Bernard Collaerry depois de masakre santa cruz 1991, konsege organiza manifestasaun boot ida iha embaixada Indonesia nian iha Jakarta, halo protesta boot hasoru governu Indonesia. Bernard mos akompanha Xanana Gusmao bainhira hetan kapturasaun iha Tribunais oioin, hodi defende kazu violasaun direitus umanus iha Timor.

Tuir planu MKOTT sei organiza espozisaun iha loron 20 Agustu, hodi tau imajen no spanduk istirku sira liga ho MKOTT nia luta ba fronteira maritima. MKOTT hein petisaun ida ne’e sei asina husi pelumenus ema Timor oan na’in rihun ida to’o fulan Agostu nia rohan. * [ Zevonia Vieira | TAFARA.TL | 09.08.2019 ]