Home Sosial & Politika CNC & MSSI Asina MoU, Hodi Atinji Rekomendasaun Chega!

CNC & MSSI Asina MoU, Hodi Atinji Rekomendasaun Chega!

68
0
SHARE
CNC & MSSI Asina MoU, Hodi Atinji Rekomendasaun Chega!

Caption: Ekipa CNC, MSSI hamutuk ho ekipa hosi AJAR hasae foto hamutuk depois de asina Mou. [Foto: Copyright Media CNC | 09.11.2019]

Ema hamutuk 16, ne’ebe buka hetan ona iha Indonesia, sira sei mai iha Timor-Leste, hodi ba halo vizita iha CNC, MSSI, Ministeriu Negosiu Estranjeiru no Koperasaun, Ministeriu Justisa sei hamutuk ho Embaixada Indonesia sei simu sir aiha CNC no MSSI, no sei fo apoio ba sira nune’e sei desloka ba municipio  ba hasoru fila fali sira nia inan aman sira.

Funu no violasaun direitu humanus ne’ebe akontese iha tempu okupasaun Indonesia, resulta povu barak mak hetan konsekuensia, tanba tenke sai vitima, barak mak lakon nia vida, lakon família no inklui lakon labarik sira, tanba tropas Indonesia lori sira ba iha sira nia rain.

Ohin loron Timor ukun, esforsu ne’ebe halo hosi estadu Timor servisu hamutuk ho governu Indonesia, servisu hamutuk ho organizasuan Direitu Humanus hosi Indonesia no Timor-Leste, konsege lori fila fali labarik sira ne’ebe lakon iha tempu pasadu, hodi fila fali mai Timor.

Relasiona ho funu ne’ebe akontese ona, liu hosi Centro Nasional Chega! [CNC] Servisu hamutuk ho Ministeriu Solidariedade Sosial no Inkluzaun [MSSI], halo nota de etendimentu konaba rekomendasaun Chega!, hodi kontinua fo apoio ba vitima pasadu sira hanesan inan faluk, labarik ne’ebe lakon tanba hetan kauza hosi funu naruk nia laran.

Direitor Ezekutivu CNC, Hugo Maria Ferdanades iha nia intervensaun katak antes nota de entendimentu ne’e halo execusaun serviso ne’e lao antes ona,  maske nune’e  CNC halo avaliasaun  hare katak seidauk hare instituisaun ida ne’ebé registo hela ba labarik lakon sira husi tinan hira ba kotuk, Loron Sexta/08/11/2019

Hugo Fernandes mos informa katak Centro Chega harii iha 2017 tama kedan ba iha apoio ba labarik lakon sira,i mos ita halo avaliasaun katak durante ne’e seidauk iha instituisaun ida maka registo hela  vitima sira husi krimi passadu nian  nota de entendimentu ne’e atu halo ba koperasaun ba primeiro Centro Chega elabora tiha ona baze de dadus ne’e para depois registo ema nain hira los mak vitima husi pasadu nian, tamba husi baze de dadus ne’e mak sei informa ba MSSI nune’e Mssi fo apoio ba los ema ne’ebé presisa liu.

“Dadaun ne’e fahe hela formulario rihun ida ba vitima pasadu sira, no husi formulario ne’e iha filtro katak ema ne’ebé hetan ona aopio husi Governo sei la iha direitu atu hetan tan apoio”, tenik Hugo 8/11.

Iha kooperasaun ne’e atu foka liu ba buka labarik lakonH sira, ne’ebe tuir agenda iha loron 11 Novembru, ema hamutuk 16, ne’ebe buka hetan ona iha Indonesia, sira sei mai iha Timor-Leste, hodi ba halo vizita iha CNC, MSSI, Ministeriu Negosiu Estranjeiru no Koperasaun, Ministeriu Justisa sei hamutuk ho Embaixada Indonesia sei simu sir aiha CNC no MSSI, no sei fo apoio ba sira nune’e sei desloka ba municipio  ba hasoru fila fali sira nia inan aman sira.

 “ Oinsa mak atu tulun vitima sira, ne’ebé mak funeravel liu ne’e iha kondisaun saude mental nian, vitima sira kontinua trauma hetan violaasaun oin-oin iha tempo pasadu ou asiste direitamente ho kondisaun trauma hela  sira bele hetan tulun ida ne’e MSSI”, hateten Hugo

Iha fatin hanesan Direitor jeral MSSI Rui Manuel dehan MSSI servisu hamutuk ho Chega kleur ona maibe nafatin fo konsiderasaun ba Chega hamutuk 40 rekomendasaun no sei hare katak ida ne’ebé prioridade hafoin bele tulun

“Ohin Ita selebra akordo ho CNC para iha futuru iha koperasaun ne’ebé diak liu tan para sira hare kona ba vitima sobreviventes sira ne’ebé hetan torturasaun husi invazor sira ne’ebé tama mai ita nia rain  halo asneiras to ita hetan vitima barak” dehan Rui

Nia aumenta tan seidauk bele temi montantenorsamentu hira mak atu apoio maibe iha planu konsidera konforme proposta ne’ebé CNC hatoo ba iha MSSI no apoio ida ne’e laos permanente maibe apoio imediatu deit. * [Francisco JDA  | Editor: Zevonia Vieira | TAFARA.TL | 09.11.2019]