Home Sosial & Politika Covid-19, 600 Mak Iha Kuarentena, MS Kontinua Fo Atensaun Ba Sira Atu Halo Tuir Regras

Covid-19, 600 Mak Iha Kuarentena, MS Kontinua Fo Atensaun Ba Sira Atu Halo Tuir Regras

124
0
SHARE
Covid-19, 600 Mak Iha Kuarentena, MS Kontinua Fo Atensaun Ba Sira Atu Halo Tuir Regras

Caption: Diretora Preparasaun Saude iha Ministerio Saúde, Dra. Odete da Silva Viegas. [Foto: Francisco JDA | 31.03.2020]

Ekipa tekniku linhas Ministerial kontinua hala'o enkontro atu bele fo aktualizasaun ba situasaun iha terenu konaba Covid-19.

Diretora Preparasaun Saude iha Ministerio Saúde, Dra. Odete da Silva Viegas informa ba jornalista sira katak númeru kuarentena no hotel ne'ebé iha komesa aumenta no kuaze hotel 11 mak uza hanesan fatin kuarentena.

"Ema sira iha kuarentena, mai ho aviaun no mós mai hosi fronteira, maske aviaun tama semana ida dala ida, maibé ita asegura nafatin ema sira mai hosi fronteira tama hotu.  Iha hotel sira ne'e mós ema sira ne'ebé tama ho dalan illegal, dadaun iha informasaun hosi komunidade polísia sira halo atuasaun, foti ema sira ne'e no ekipa saúde foti ema sira ne'e ba tau kedas iha fatin kuarentena sira nee", Dra. Odete da Silva Viegas iha CCD merkadu lama, 31/03

Dra. Odeta hatutan husu ba komunidade sira atu koopera liu-liu ema sira iha kuarentena atu nafatin tuir regras ne'ebé MS tau, nune'e bele kontrola ema sira iha kuarentena ne'e, hetan nafatin atensaun hosi MS hanesan fase liman, tau maskra enune'e iha sintomas karik labele hadaet ba  ema seluk.

Tuir dadus ne'ebé iha ema hamutuk 600 mak iha kuarentena no seidauk konta ho ilegal sira ne'ebé tama kalan. Feto hamutuk 200 resin no mane 300 resin. Hosi maioria maluk sira ne’ebe iha kuarentena laiha sintomas bainhira MS lori sira ba hela iha kuarentena. Dadus sei hatun iha Pájina MS Palacio Sinzas no publiku sei bele asedu dadus refere.

“Númeru totál fatin kuarentena sira ne'e hotu, orsamemtu ne'ebé uluk aprovadu $1.5 milloens ne'ebé hala'o, la preve utilizasaun ba hotel sira ne’e. Governu sei hare orsamentu hirak ne’e”, hateten Dra. Odete. * [ Francisco JDA | Editor: Zevonia Vieira | TAFARA.TL | 31.03.2020 ]

Tips hosi redasaun TAFARA.TL oinsa atu prevene an hosi covid-19:

  1. Fase liman bebeik ho sabaun
  2. hatoman-an habai-an iha loron manas tanba ultra violet bele hamate virus ou bateria iha oras 1 nia laran
  3. konsume no hemu bee bebeik hodi bele hamoos virus ka bateria iha ibun laran
  4. deskansa barak hodi aumenta enerja ho nune dook hosi moras
  5. se sente isin manas, mear no inus been tenke deskansa iha uma no ses-an hosi ema barak no bele kontaktu klinika saude sira ne'ebe besik