Home Sosial & Politika Diretor CNC: Ezibisaun Nee Sei Tulun Atu Aprende no Respeita Direitus Umanus

Diretor CNC: Ezibisaun Nee Sei Tulun Atu Aprende no Respeita Direitus Umanus

143
0
SHARE
Diretor CNC: Ezibisaun Nee Sei Tulun Atu Aprende no Respeita Direitus Umanus

Caption: Premiadu Nobel da Paz Dr. Jose Ramos Horta no Presidente Konselho Administrasaun Centru Nasional Chega! Ines Almeida lansa ezibisaun Prizaun no Prizoneiru Politiku iha Centro Nasional Chega!

Liu hosi seremonia lansamentu refere, Diretor Ezekutivu Centro Naciona Chega! ka Centro Chega!, Hugo Maria Fernandes hatoo katak iha fatin istoriku ida ne’e, Antigu Komarka Balide, fatin ne’ebe prezerva memoria pasadu nian halo memoria ne’e asesivel ba publiku, hodi aprende hosi pasadu no kontinua fo apoiu ba sobrevivente sira.

“Fatin ida ne’e, rai hela memoriak naruk ho moruk ema Timor-oan sira nian durante tinan 24, hahu kedas iha funu maun-alin iha Agustu 1975 to’o Timor-Leste ukun rasik an iha Septembru 1999”, hateten Hugo Maria Fernandes iha nia deskursu, 17/07.

Hugo Maria Fernandes mos hateten katak liu hosi submisaun CAVR, iha audensia publika konaba dadur politiku iha loron 17-18 Feveiru 2003, Asosiasaun Eis Prizoneiru Politiku Timor-Leste [ASSEPOL], deskreve konaba esperiensia Timoroan sira nian nudar dadur politiku, hahu kedas hosi periodu konflitu internu entre partidu politiku sira iha tinan 1975, konflitu iha partidu Fretilin nia laran no esperiensia dadur politiku hafoin periodu invasaun no okupasaun Indonezia iha Timor-Leste too mai iha tinan 1999.

Diretor Exekutivu Centro Chega! ho esperansa katak liu hosi ezibisaun ida ne’e, sei tulun duni ema hotu, atu aprende hosi pasadu, hodi harii presente no future ne’ebe respeitu direitus humanus, hodi hametin paz.

Lansamentu Relatoriu Final Centro Chega! ba tinan 2018 no Ezibisaun Prizaun no Prizoneiru Politiku ne’ebe halao iha Centro Nasional Chega! nudar parte hosi komemorasaun tinan 20 Konsulta Popular 30 Agustu 1999-30 Agusto 2019.

Liu hosi eventu ne’e hetan partisipasuan hosi premiadu Nobel da Paz, Dr. Jose Ramos Horta, membru parlamentu, eiz prizoneiru politiku,  ambassador no estudantes sira.* [Zevonia Vieira | TAFARA.TL | 17.07.2019]