Home Sosial & Politika Ema Nain 58 Infektada Virus HIV Iha Tinan 2019

Ema Nain 58 Infektada Virus HIV Iha Tinan 2019

228
0
SHARE
Ema Nain 58 Infektada Virus HIV Iha Tinan 2019

Caption: Administradora Global Fund Timor-Leste, Dr. Telma Oliveira, klaran (Photo: Twitter - @MdSTimorLeste)

Atraves teste laboratoriais, identifikadu Ema nain 58 infektada virus HIV durante fulan Janeiru ate Maiu 2019, haktuir Diretor Nasional Saude Publika, Ministeriu Saude, Pedro Canisio, nudar publika iha media online thediliweekly.com.

Tuir dadus mak iha, Canisio hatutan hosi tinan 2003 ate Maiu 2019 ema neébe identifikadu infektada HIV hamutuk nain 931. Hosi numeru neé nain 435 halao hela tratamentu antiretroviral, nain 118 mate, no nain 378 la kontinua tratamentu. Nuneé mos kazu HIV barak liu deteta iha Munisipiu Dili, Maliana, Covalima no Baucau

"Ami halao ona edukasaun no promosaun saude ba grupu alvu, maibe ami muda oit-oan estratejia, organiza kampanha ba komunidade tomak", tenik Canisio.

Iha parte seluk, ba thediliweekly.com Timor-Leste Global Fund Administrator Dr. Telma de Oliveira hateten katak numeru HIV aumenta ba bebeik, no ida neé hatudu progresu hosi programa edukasaun no promosaun saude, tanba ema barak mak hatene tuir ninia estatutu no hakarak halo tratamentu.

"Ema nia konhesimentu aumenta konaba moras ida neé, no sira fo fiar ba profisional saude sira hodi halao teste no tratamentu," Telma esklarese.

Nia hatutan katak importante tebes atu kontinua ho edukasaun no konsientizasaun hodi habelar teste no tratamentu para prevene virus HIV transmitidu ba ema seluk.* [Metodio Caetano Moniz | TAFARA.TL | 27.07.2019]


Fontes: http://www.thediliweekly.com/