Home Sosial & Politika Estadu Emerjensia Sei Limita Movimentu, PM: Maibe Aplika Tuir Situasaun, Sei Proteje Jornalista Sira

Estadu Emerjensia Sei Limita Movimentu, PM: Maibe Aplika Tuir Situasaun, Sei Proteje Jornalista Sira

58
0
SHARE
Estadu Emerjensia Sei Limita Movimentu, PM: Maibe Aplika Tuir Situasaun, Sei Proteje Jornalista Sira

Caption: Primeiru Ministru Taur Matan Ruak, [Foto: Francisco JDA | 26.03.2020]

Plenaria estraordinario iha Parlamemtu Nasionál (PN) relasiona ho pedidu hosi governu nian konaba estadu emerjensia ba iha issue Covid-19 aprovadu. Relasiona ho estadu emerjensia ne’ebe mak ohin PN aproba ba jornalista sira Primeiru Ministu, Taur Matan Ruak esplika katak orgulho, tanba deputadu sira halo istoria ida no hatudu ezemplu di'ak ba sidadaun, maske pais iha risku nia laran, maibé kontinua hatudu ezemplu di'ak.

"Ita hatudu katak iha momentu ne'ebé ita nia pais no povu hetan risku problemas ba nia moris, ita hamutuk apela mós ba populasaun sira, para koopera liu-liu inan aman sira iha oan, iha familia iha rai liur, fila mai labele subar sira, tenke fo sai no mai besik klínika Saúde, agente saúde sira, médiku, Polisia, Forsa Armada ne'ebé besik para kanaliza ba centru saúde, hodi fo orientasaun hodi bele proteje sira ba moras ida no mós ajuda proteje sira nia família no ita nia komunidade”,  Tenik Primeiru Ministru, Taur Matan Ruak, iha PN, 26/03.

Taur Matan Ruak deklara katak movimentu sei limita, maibé aplikasaun medida sira ne'e tuir revolusaun situasaun nian, la'ós estadu emergencia be ema la bele halo movimentu.

"Ita presiza ba ospital, klínika presiza sosa buat ruma maibé sei iha regra, nune'e ema hotu bele tuir, para labele halibur malu, la'o besik malu para depois bele contagia malu, liu-liu sira ne'ebé suspeitu no medida sira ne'e sei fo hatene",  tenik PM Taur Matan Ruak

PM dehan, Parlamentu sei aprezenta ba PR nune'e governu sei prepara kondisaun hotu hafoin  implementasaun, nune'e governu sei fo sai regra nesesaria baziku nune'e bele evita, sei proteje mós médiku no jornalista sira, bainhira tau matan ba sidadaun ne'ebé infetadu, sei halo buat hotu nune'e bele ajuda.

Votasaun nominal ba estadu emerjensia ne’ebe sei hatoo hosi Prezidente da Republika ho unanimidade ho a-favor 64, kontra Zero [0] no abstensaun zero [0], nune’e sei fo autorizasaun ba Prezidente da Republika hodi dekreta estadu emerjensia.

Fontes hosi Lusa informa katak governu deklara ona ba estadu emerjensia, sei hahu iha oras 00:00 kalan, iha loron 28 Marsu to’o 26 Abril. Estadu emerjensia ne’e akontese ba daruak ona, ne’ebe akontese iha tinan 2008 maibe ho kondisaun no regulamentu ne’ebe la hanesan.

To’o ohin loron Timor-Leste sei iha kazu ida [1] de’it no ema nain 708 ne’ebe fila hosi rai liur iha kuarentena ofisiai no uma. Komisaun espesial forma ona hodi finaliza no implementa regluamentu ne’ebe dirize hosi PM Taur Matan Ruak, katak sei iha limitasaun ba direitu atu halo movimentu iha rai laran no ba ka hosi rai liur, labele  halo eventu ne’ebe halibur ema barak hanesan konsertu, enkontru boot, seremonia kazamentu no funeral, eskola tenke taka no missa mos sei la halao ona iha igreja.

Neon Metin sei kontinua buka informasaun ofisial hosi governu liga ho regulamentu balun ne’ebe karik sei aprezenta ofisial ba publiku. * [ Francisco JDA | Editor: Zevonia Vieira | TAFARA.TL | 26.03.2020 ]

Tips hosi redasaun TAFARA.TL konaba oinsa prevene an hosi Covid-19:

  1. Fase liman bebeik ho sabaun
  2. habai an iha loro manas iha dadersa, tanba ultra violet sei hamate bateria ka virus sira iha oras ida nia laran.
  3. hemu bee barak para hamate bateria ka virus iha ibun laran
  4. sente isin manas, inus been no mear tenke deskansa iha uma no halo distansia hosi ema seluk no bele kontaktu klinika saude ne'ebe besik ita boot sira.