Home Sosial & Politika FM Husu PNTL F-FDTL Kontinua Asegura Komunidade Iha Situasaun EE

FM Husu PNTL F-FDTL Kontinua Asegura Komunidade Iha Situasaun EE

120
0
SHARE
FM Husu PNTL F-FDTL Kontinua Asegura Komunidade Iha Situasaun EE

Caption: Diretor Fundasaun Mahein, Joao Almeida. [Foto: Francisco JDA | 15.05.2020]

Centru Informasaun Impaktu Covid-19 (CIIC) hala'o konferensia imprensa ba loron 15/05 konaba observasaun ezekusaun estadu emerjensa luta hasoru Covid-19 iha ambitu seguransa nasonal.

Diretor Fundasaun Mahein, Joao Almeida ba jornalista sira hateten iha dezentendimentu balun liga ho sosializasaun ba regra sira. Tuir FM nia intepretasaun katak la hanesan ho interpretasaun hosi governu no PNTL.

"Iha estadu emergencia dahuluk iha informasaun ka materia sira ne'ebé sensibiliza, ne'ebe fó sai hosi residensia konselho Ministru. Iha ezemplu ida katak ema nain rua bele sa'e motor ida, maibé tenki taka maskra, maibé iha terenu Polísia hato'o katak labele tula malu. Iha ne'e mosu desentidementu entre Polísia ho Komunidade sira, depois halo avaliasaun hatudu katak iha ona interpretasaun ne’ebe hanesan no aplika iha terenu," hateten Diretor FM iha FONGTOL, 15/05.

Diretor Fundasaun Mahein realsa PNTL no FDTL ninia servisu durante Estadu Emergencia (EE) importante tebes, hodi asegura dezisaun estadu nian iha ambitu estadu emergencia, liu liu kolaborasaun ho profesionais saúde sira no agente tomak ne'ebé luta hasoru Covid-19  partikularmente ho Media sira nia papel Importante tebes. [ Francisc JDA | Editor: Zevonia Vieira | TAFARA.TL | 15.05.2020 ]