Home Internasional Forum Sao Paulo Denunsia Agressoens Sistematikas Imperialismu Iha Amerika Latina

Forum Sao Paulo Denunsia Agressoens Sistematikas Imperialismu Iha Amerika Latina

591
0
SHARE
Forum Sao Paulo Denunsia Agressoens Sistematikas Imperialismu Iha Amerika Latina

Caption: Partisipantes Fórum de São Paulo (Photo: LUSA).

Fórum de São Paulo denunsiu, atraves proposta deklarasaun final "agresoens sistemátikas imperialismu" no alerta ba "dezenvolvimentu guerra judisial" hodi izola líderes polítikus no sosiais esquerda iha rejiaun Amerika Latina. Notisia neé publika hosi Lusa, edisaun 28/07/2019.

"Rekonhese nesesidade urjente hodi trava agresoens sistematikas imperialismu mak ameasa soberania, autodeterminasaun no integrasaun ami nia povu iha Amerika Latina", temi grupu neé iha proposta deklarasaun final, neébe sei asina hodi delegadus nain 500, iha enkontru loron ikus nian, iha Caracas.

Haktuir dokumentu refere, imperialismu, refere ba Estadus Unidus no países Europa balun, iha intensaun atu hamate prinsipiu direitu/lei internasional no obriga senariu funu iha Amerika Latina.

Agresoens hirak neé, Lusa relata manifesta ho forma ataques ba Venezuela, atraves sansoens, blokeiu agravamentu injustu ba Cuba no homisidiu sistematiku ba lideres sosiais iha Colombia, sita iha dokumentu refere.

Grupu neé mos denunsiu "dezenvolvimentu funu judisial ho intensaun atu kriminaliza lideres sosiais no politikus iha rejiaun neé", neébe impede exersisiu demokrasia ho livre, nomos nudar  "estratejia rekolonizasaun Amerika Latina no Caraibas", lidera hosi Estadus Unidus.

Iha textu neé mos sita, movimentu no partidus hosi paises besik 200 kompremete sei luta hasoru "patriarkadu, xenofobia, rasismu, kriminalizasaun migrasaun no, jeralmente, kontra kualker forma diskriminasaun ho motivus etnikus, relijiozus, jeneru ka orientasaun sexual".

Fórum de São Paulo hanesan mekanismu ida konaba konsertasaun formasoens politikas no movimentu sosiais esquerda no progresista hosi Amerika Latina no Caraibas, funda iha tinan 1990 ho apoiu hosi Partido dos Trabalhadores Brasil.

Ho lema "Pela Paz, a Soberania e a Prosperidade dos Povos", enkontru Caracas halibur partisipantes liu hosi 1,100, inklui delegadus nain 500 hosi movimentus sosiais iha kontinente Amerikanu, Asia, Afrika no Europa.* [Metodio Caetano Moniz | TAFARA.TL | 29.07.2019]


Fontes: Ajensia Notisias Lusa.