Home Ekonomia & Business GDP Timor-Leste Deklina Tinan Rua Ikus Tanba Inserteza Politika no Ekonomia

GDP Timor-Leste Deklina Tinan Rua Ikus Tanba Inserteza Politika no Ekonomia

Relatoriu Banku Mundial Edisaun Abril 2019

83
0
SHARE
GDP Timor-Leste Deklina Tinan Rua Ikus Tanba Inserteza Politika no Ekonomia

Caption: Photo: WORLDBANK.ORG

Gross Domestic Product (GDP) iha tinan rua ikus deklina (tun) tanba situasaun politika no ekonomia neébe inserteza, maibe iha perspetivas pozitivas ba tinan 2019 ho previzaun katak kresimentu GDP 3.9% no inflasaun abaixu hosi 4%.

Ida neé mak situasaun ekonomia Timor-Leste ate fulan Abril 2019, neébe fo sai hosi Banku Mundial iha ninia relatoriu: April 2019 Timor-Leste Economic Report: Moving Beyond Uncertainty, nudar publika atraves sira nia website worldbank.org edisaun 22 Maiu 2019. Download iha neé.

Iha parte seluk, haktuir relatoriu refere Conta Corrente (transaksi berjalan) melhorada tanba rendimentu primariu mak as. Nuneé mos defisit komersial (defisit perdagangan) diminui ho importasaun neébe dekliniu (tun/menus) no aumentu iha exportasaun. Maske nuneé, sustentabilidade defisit fiskal no externu nafatin sai preokupasoens fundamentais iha mediu prazau, apezar hosi tendensias resentes. 

Agrikultura kontinua sai hanesan seitor kritiku, maibe produtividade nafatin menus nomos investimentu insufisiente hodi expande produsaun, sita hosi relatoriu refere.

"Ho aprovasaun Orsamentu Estadu 2019 iha fulan Fevereiru, espera situasaun ekonomia bele rekupera fali. GDP devera kresimentu 3.9% ho senariu iha estabilidade politika no ekonomika. Ho aumentu gastus hosi Governu, juntamente ho konsumu privadu mak forte, sei orienta ba rekuperasaun ekonomika", hateten Pedro Martins, Ekonomista Senior Timor-Leste, hanesan temi iha relatoriu hosi Banku Mundial neé.* [Metodio Caetano Moniz | TAFARA.TL | 31.07.2019]


Fontes: Banku Mundial