Home Sosial & Politika Governu Xina Oferese Ekipamentu Medikus Ba PNTL Ba Iha Prevensaun Covid-19

Governu Xina Oferese Ekipamentu Medikus Ba PNTL Ba Iha Prevensaun Covid-19

88
0
SHARE
Governu Xina Oferese Ekipamentu Medikus Ba PNTL Ba Iha Prevensaun Covid-19

Caption: Embaixador Xina iha TL ho Ministru Defeza no Ministru Interior Interinu. [Foto: Copyright Media MI | 15.05.2020]

Governu Popular Xina, liu hosi nia embaixador iha Timor-Leste Xiao Jiaguo relata sei fornese ekipamentu mediku, hodi apoiu Polisia Nasional Timor-Leste (PNTL) halo serbisu prevensaun hasoru Covid-19, iha teritoriu Timor-Leste.

Material doasaun ekipamentu mediku ne’e rasik, Governu Xina apoiu ba Timor-leste liu husi kooperasaun bilateral nasaun rua ne’en e’ebe  hahu ona desde tinan 2001.

“Ohin hau mai vizita Ministru Interior no Defeza atu informa apoiu hodi halo doasaun balu ba governu Timor-Leste, liu hosi Ministeriu Defeza no mos Ministeriu Interior, relasiona ho pandemia COVID-19”, hateten, Embaixador Xiao Jiaguo, liu husi komunikadu imprensa ne’ebe Neon Metin asesu 15/5.

Oferese ekipamentu mediku mak hanesan fardamentu ba PNTL ho modelu hanesan kapa, Disposable Medical Mask, Surgical Mask, Protective Mask, Protective Google, Protective Coveralls, Protective Waterproof Coveralls, Shoe Covers, non-toucable Temperature Detector no mos Medical Gloves, hodi apoiu PNTL ba serbisu prevensaun luta hasoru COVID-19 iha Timor-leste.

Diplomata Xina ne’e mos hateten governu Xina sei prontu nafatin hola nia pozisaun atu apoiu Timor-Leste.

“Governu popular Xina iha komitmentu boot, iha futuru sei kontinua nafatin hametin kooperasaun iha area defeza no seguransa hodi apoiu Timor-Leste nu’udar nasaun amigu.” tenik Embaixador Xiao Jiaguo.

Ekipamentus sira ne’e prepara hotu ona iha Ró laran no iha fulan Maiu nia rohan ka fulan Juñu nia laran sei to’o ona iha Timor. Iha fatin hanesan Ministru Defeza no Interior Interinu, Filomeno da Paixão de Jesus agradese ba governu Xina ne’ebe apoiu ona no ajuda tebes PNTL no F-FDTL ba iha prevensaun COVID-19.

Ida ne’e ita bele dehan doasaun ida espesial ba iha ita, tanba ohin koalia mos konaba atu harii Ospital amizade entre governu Xina ho Timor-Leste iha Futuru. Ospital ne’e sei halo uma rua no kada uma ida iha andar tolu. Uma ida sei tau espesialista sira hodi halo atendimentu ba ema ne’ebe moras no uma ida sei halo hodi simu ema moras sira. Nune’e ohin hau mos husu ba emabaixador atu bele aselera ona konstrusaun ida ne’e, tanba realmente ita sofre hela pandemia COVID-19 ne’e.” Hateten Filomeno da Paixão de Jesus. * [ Santina Lucia da Costa | Editor: Zevonia Vieira | TAFARA.TL | 15.05.2020 ]