Home Ekonomia & Business Happy Market Harii Loja Container Iha Merkadu Taibesi, Saturnino: Diskriminasaun Ba Negosiante Kiik

Happy Market Harii Loja Container Iha Merkadu Taibesi, Saturnino: Diskriminasaun Ba Negosiante Kiik

92
0
SHARE
Happy Market Harii Loja Container Iha Merkadu Taibesi, Saturnino: Diskriminasaun Ba Negosiante Kiik

Caption: loja happy famaly harii loja container iha merkadu Taibesi. [Foto: Francisco JDA | 23.01.2020 ]

“Vendedor balun sai vitima kona ba fatin ka problema ne’ebe mak iha merkadu ne’e, hare ba situasaun ida hanesan ne’e, lamenta tanba se oportunidade ne’e mak fo deit ba sira signifika katak diskriminasaun mosu. Tuir sentimentu triste tanba governo ou empresario ne’ebe toma konta fatin ida ne’e, la balansu, hare deit ba iha ema sira ne’ebe iha capital boot ho fundus ne’ebe bo’ot, fo oportunidade ba sira mak bele ignora tiha negosio ki’ik oan sira”. Saturnino

Negosiante sira ne’ebe halo negosiu iha Taibesi lamenta ho kompanha Happy Market ne’ebe sei loke loja iha ho modelu container, iha merkadu terminal nia laran. Hahan sira ne’ebe sei faan mak hanesan Yampotong, Sosis no naan seluk tan.

Tuir negosiante, Satornino Soares hateten, nia parte lamenta tebes ho hahalok sira hanesan ne’e, tanba dalabarak negosiante sira kestiona kona ba faan sasan iha terminal laran, presiza kria kondisaun no sitema jestaun de merkadu diak nune’e ema hotu bele asesu.

“Vendedor balun sai vitima kona ba fatin ka problema ne’ebe mak iha merkadu ne’e, hare ba situasaun ida hanesan ne’e, lamenta tanba se oportunidade ne’e mak fo deit ba sira signifika katak diskriminasaun mosu. Tuir sentimentu triste tanba governo ou empresario ne’ebe toma konta fatin ida ne’e, la balansu, hare deit ba iha ema sira ne’ebe iha capital boot ho fundus ne’ebe bo’ot, fo oportunidade ba sira mak bele ignora tiha negosio ki’ik oan sira”, dehan Satornino ba Neon Metin Iha Taibesi 23/01.

Negosiante ne’e reforsa tan katak, hakarak povo atu moris diak, hadia sistema liu hosi merkadu kiik sira, ema barak sai vitima ba fatin sira ne’ebe mak la suficiente, hanesan iha merkadu Taibesi dadaun ne’e, nune’e vendedor sira mos hadau malu kona ba fatin ne’e.

Sorin Seluk Jestor Merkadu Taibesi, Anibal de Jesus informa empresario ne’ebel oke fatin ho kontainer iha terminal Taibesi ne’e laos ema estranjeiro, maibe ema Suai oan nia mos hetan autorizasaun, nudar mos sidadaun Timor oan nia mos, iha direitu maibe provizorio no laos permanente

“Nia laos faan modo ho tomate sira, maibe nia faan naan, sourico, sosis, ho ayampotong nune’e la afeita ba modo. Provisorio deit iha ne’eba, laos permanente fatin la iha ne’e mak tau kontainer, se karik estadu iha osan halo ona Mall sira sei tau iha ne’eba”, esplika Anibal

Jestor Merakdu tabesi dehan la iha impktu ba sira ne’ebeaileba no negosio ambulante sira tanba diferensia ho negosio ambulante sira, maibe se nia mai faan modo hanesan loja Kmanek nia mai faan fehuk ropa, modo tomate ita sei la uja nia. * [ Francisco JDA | Editor: Zevonia Vieira | TAFARA.TL | 23.01.2020 ]