Home Turismu Jornalista Timor Halo Famtrip Ba Danau Toba, Eksplora Fatin Kultura Neebe Uniku

Jornalista Timor Halo Famtrip Ba Danau Toba, Eksplora Fatin Kultura Neebe Uniku

121
0
SHARE
Jornalista Timor Halo Famtrip Ba Danau Toba, Eksplora Fatin Kultura Neebe Uniku

Caption: Grupu jornalista Timor sira halo visita iha taman eden iha Toba Samosir-Sumatra Utara

Kuaze oras rua nia laran hosi Jakarta, aviaun semo hodi lori ekipa jornalista Timor sira ba to’o iha destinasaun Sumatra Utara. Hateke hosi kalohan as ba, hateke hosi laleletek as, hodi hare rai nia furak ne’ebe ho nia ambiente ne’ebe mak diferente.

Ekipa jornalista to duni iha aero porto Silangit, Horas, Horas, nudar lia fuan uniku ne’ebe mak hatoo hosi uma nain sira ba bainaka sira, ne’ebe mak mai visita sira nia fatin, signifika katak “Saudasoes”. Lia fuan Horas ne’e identik ho ema Batak ka ema rai Sumatra Utara sira.

Vizitasaun programa familiarization trip ne’ebe organiza hosi Embaixada Indonesia ho Ministeriu Turismo Indonesia, halo viazen durante loron rua iha Danau Toba [Lagua Toba] no Salib Kasih.

Ho iklima ne’ebe fresku, ekipa jornalista sira deskanza minute balun nia laran iha Caffee  besik aero porto, hodi koko hahan tradisional hosi Sumatra Utara ho naran Ombus-Ombus, dosi ne’ebe halo hosi nu’u no falun ho hudi tahan, nia gostu sente sabour no atrai atu hakarak han nafatin.

Hosi caffee, ekipa kontinua hakat ba iha Salib Kasih, iha sub distriu Tapanuli Utara, kuaze minute 40 nia laran, hodi ba to’o iha fatin refere.

Salib Kasih katak Cruz Domin, Be’e Matan Soda, Huta Ginjang no Orariu Aperta

Salib Kasih ka ho lian Batak dehan Siatas Barita, ne’ebe harii  iha sub distritu Tapanuli Utara, distritu Sumatra Utara, Guide Tour, Petrus Tampubolon haktuir istoria kultura ne’ebe sei metin hosi komunidad lokal sira. Statua Cruz ho nia naruk metro 700 hosi nia hun, Cruz boot ne’e hamruk metin iha altitude 1000 [above sea level. Red], konsidera nudar sitiu relijiuzu ne’ebe governu lokal konstrui atu fo onra ba matebian misionariu kristaun ne’ebe mai hosi Alemanha ho naran Dr. Ingwer Ludwig Nommensen.

Iha Vizitasaun refere, hetan akompanha hosi Kasubbit Area IBB Pengembangan Pemasaran Regional III, Herbin Sarangi no Asisten Deputi Pengembangan Pemasaran I no Regional III, Kementrian Pariwisata Muh Ricky Fauziyani.  Tuir Ricky katak Salib Kasih nudar destinasaun ne’ebe ema barak mai vizita, tanba sitiu ne’e atu hanesan ho estatua Cristo Rei iha Dili.

Hosi vizita Salib Kasih, ekipa jornalista sira kontinua halo viajen ba iha Be’e Matan Soda, iha Tapunuli Utara. Be’e matan soda ne’e uniku tebes, tanba iha deit rua iha mundu ida ne’e, ida mak iha Tarutung-Venezuela.

Be’e matan soda ne’e nia sabor hanesan soda, maibe la belit iha isin. Uniku hosi be’e ne’e halo partisipantes sira kuriozu, hodi nani iha be’e laran. Destinasaun ikus mak jornalista sira partisipa Huta Ginjang iha Muara, Tapanuli Utara. Situadu iha altitude metro 1.550 [above sea level. Red], hosi fatin ida ne’e ita bele hateke lagua Toba. Tuir Deputi Bidang Pengembangan Pemasaran dan no Kementrian Pariwisata Rizki Handayani, Huta Ginjang ne’e nudar spot diak liu atu hare lagua Toba ne’e nia furak. 

Loron rua pasa tempu iha Tapanuli, halo jornalista aprende konaba istoria, fatin turismo nu kultura hosi Batak. Karik hosi Famtrip ne’e bele sai esperiensia id aba jornalista sira, atu bele promove fatin turistiku sira iha Timor-Leste, hodi bele atrai turista sira hosi rai liur, atu bele mai vizita rai doben furak ida ne’e.

Ho Tranznusa journalista sira hosi media elektronik no imprimi hamutuk nain 11, fila hikas mai Timor iha loron 16 Septembru. * [Kontributor Rei Oliveira | TAFARA.TL | 17.09.2019 ]