Home Sosial & Politika Lere: PR, PM no Lider Istoriku Sira Tenke Buka Malu, Lori Povu Ba Progresu Dezenvolvimentu

Lere: PR, PM no Lider Istoriku Sira Tenke Buka Malu, Lori Povu Ba Progresu Dezenvolvimentu

197
0
SHARE
Lere: PR, PM no Lider Istoriku Sira Tenke Buka Malu, Lori Povu Ba Progresu Dezenvolvimentu

Caption: Xefe Estadu Maior Jeneral FFDTL, Major Lere Anan Timur. [Foto: Santina Lucia da Costa | 12.02.2020]

Lere Anan Timur fo konfiansa ba lider sira hanesan Dr. Marí Alkatíri, Dr. Ramos Horta no Kay Rala Xanana Gusmão, nain tolu ne’e labele haketak malu no tenki kompleta malu tanba Xanana ema ida ké trasa estratejia, Marí ema ida ké Jestór no Politiku, Ramos Horta ema  diplomata.

Relasiona ho dialogu refere, bainhira Xefe Estadu Maior Jeneral FFDTL, Major Jeneral Lere Anan Timur hasoru malu ho Prezidente da Republika, hodi hatoo atividade FFDTL nian iha loron 12/02, hafoin enkontru ba jornalista sira, Major Lere Anan Timur hateten, Xanana la mai depende nian, tanba Xanana laos labarik kiik.

“Uluk iha ai-laran dehan haruka ba oho ema, ne’e ba oho de’it, maibé agora situasaun oin seluk, ita hotu iha preokupasaun no responsabilidade ba vida nasaun no vida moris povu nian. Hau labele obriga nia atu mai ka la mai, mais nia mós lider ida nia laos labarik ida. Ami terus iha ai-laran, maibé Xanana terus liu ami”, hateten Lere

Lere Anan Timur fo konfiansa ba lider sira hanesan Dr. Marí Alkatíri, Dr. Ramos Horta no Kay Rala Xanana Gusmão, nain tolu ne’e labele haketak malu no tenki kompleta malu tanba Xanana ema ida ké trasa estratejia, Marí ema ida ké Jestór no Politiku, Ramos Horta ema  diplomata.

“Xanana la mai ne’e, sira ho sira mak buka malu, ne’e kestaun interese nasional, Prezidente da Republika, Primeiru Ministru ho lider nain tolu ne’e sira buka malu. Agora opsaun ne’ebé  lider sira foti maske Xanana la Partisipa, maibé laiha eleisaun antisipada, tanba eleisaun antisipada ultimu rekursu, agora partidus politikus sira mak tenke movimenta ona buka malu, atu forma governu, halakon ita nia arogansia sira, halakon ita nia ambisaun, ne’e para ita lori ita nia povu ba progresu dezenvolvimentu”, dehan Lere Anan Timur. * [ Santina Lucia da Costa | Editor: Zevonia Vieira | TAFARA.TL | 12.02.2020 ]