Home Sosial & Politika Loron Mundial Bee Moos, Bee Difikulta Feto nia Atividade Tanba Tenke Ba Kuru Bee

Loron Mundial Bee Moos, Bee Difikulta Feto nia Atividade Tanba Tenke Ba Kuru Bee

58
0
SHARE
Loron Mundial Bee Moos, Bee Difikulta Feto nia Atividade Tanba Tenke Ba Kuru Bee

Caption: Plataforma Nasional BESI Timor-Leste halo konferensia da imprensa. [Foto: Francisco JDA | 18.03.2020]

Asesu Bee moos nudar direitu fundamental ema ida nian, estadu iha dever hodi boot tuir Konstituisaun RDTL, hodi asegura nia povu asesu bee moos.

Iha loron 20 Marsu nudar loron mundial ba Bee Moos, ho nune liu hosi konfenrensia da imprensa, Koordenador PN-Besi TL, Koko Valentin informa ba jornalista katak bee difikulta tebes ba feto sira nia atividade, tanba lolos sira iha kapasidade atu uja rekursu ne’ebe iha, maibe gasta fali tempu barak liu ba iha kuru bee.

“Feto nia servisu laos loro-loron kuru bee sira ne’e, maibe nia iha kapasidade rekursu ida ne’ebe bele apoio nia familia, bee la iha bele afeta tebes ba feto ho labarik sira nia tempu, ne’ebe lolos sira iha kapasidade rekursu ne’ebé  bele apoio familia mais sira gasta tempu barak liu kuru bee entaun ida ne’e afeta tebes ba inan feton no labarik sira” tenik kordenador PN-Besi-TL Koko Valentin, Iha Farol Asosiasaun HAK, 18/02

Koordenador ne’e mos esplika katak tuir publikasaun formal hosi governu 40% ba labarik sira ne’ebe isin krekas signifika katak idade ema nian la apar ho fiziku, labarik barak ho fiziku badak tanba komesa hahu lori sasan todan loron-loron, ida ne’e hatudu la ajuda ema nia desenvolvimentu fiziku tuir idade sira ne’ebe iha.

Iha fatin hanesan Direitor Asosiasaun  HAK, Manuel Monteiro ba jornalista sira hatete, bainhira ba kuru bee moos, barak liu maluk feto sira no servisu domestika barak liu mak maluk feto sira.

“Bainhira bee la iha kontribui ba luta ida igualdade ne’e, sei la bele too tanba violensia domestika kontinua nia numeru aumenta, ne’e mos tanba kontrbuisaun ida bee, ita hatene katak bee ne’e nesesidade abut ema nian, ne’e ema nia nesesidade ita atu han, hemu, fase, atu hamoss uma laran, sentina, presisa bee, agora ita halo kompanha makas dehan Corona ne’e tenke fase liman loro-loron bee la iha ne’e fase ho saida?” tenik Direitor Asosiasaun HAK Manuel Monteiro

Diretora HAK husu politika nain sira atu formula politika Orsamentu Jeral Estdu [OJE] nian, tenke sukat ona no fo prioridade makaas liu ba asuntu bee, saneamentu no ijeniku ne’e  hanesan fundamentu ba desenvolvimentu nasional no abut ba desenvolvimentu nasional,  kuando diak ona mak foin hanoin ba desenvolvimentu fiziku seluk, hodi kontribui ba hamenus violensia domestika uma laran, nune’e bele luta ba igualdade jeneru nian ne’e bele too, “selae ita lao iha surat tahan ne’e diak, maibe iha implementasaun lao buat seluk ne’e nafatin fo efeitu negativu ba maluk feto sira”. * [ Francisco JDA | Editor: Zevonia Vieira | TAFARA.TL | 18.03.2020 ]