Home Sosial & Politika Lu Olo: Jornalista Mak Fahe Informasaun Importane no Promove Debates

Lu Olo: Jornalista Mak Fahe Informasaun Importane no Promove Debates

63
0
SHARE
Lu Olo: Jornalista Mak Fahe Informasaun Importane no Promove Debates

Caption: Presidente da Republica, Dr. Francisco Guterres "Lu-Olo" (Photo: TATOLI.TL)

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos hatoo reportazen deit maibe oinsa sai fungsionariu ka sai servente ba umanidade”. Prezidente KI

Dili Dialogue Forum [DDF] ne’ebe Konselho Imprensa [KI] realiza ba daruak nian, ho tema Sosial Media: Obstaklu sira ba servisu jurnalismu nian, privasidade iha sosiadade modernu.

Prezidente da Republika, Dr. Francisco Guterres Lú Olo ne’ebe halo enseramentu iha DDF ne’e hatoo deskursu katak jurnalismu livre mak baze fundamental ba kualker rejime demokratiku. Demokrasia ida hatudu nia kualidade liu hosi responsabilidade no maturidade ne’ebe professional sira, hosi komunikasaun sosial hatudu.

“Kondisaun fundamental ida ba demokrasia mak iha liberdade espresaun no imprensa ida ne’ebe ida ne’ebe responsavel no livre”. Prezidente Lú hateten Ezistensia Konselho Imprensa hanesan kontribuisaun boot id aba formasaun no informasaun responsavel hosi sidadaun sira.

“Sosiedade ida atu iha sidadaun sira ne’ebe responsavel nesesita media ida ne’ebe fo informasaun ho kualidade. Wainhira informasaun laiha kualidade no la kredivel bele lori sidadaun sira hola desizaun ne’ebe sala no la kredivel, bele lori sidadaun sira hola desizaun ne’ebe sala, no laiha kualidade nebe’e serteza no seguransa. Jornalista mak bele fahe informasaun importante no relevante no promove debates, hodi fo fatin ba parte hotu atu espresa sira nia hanoin rasik”, hateten Prezidente Lú Olo, 10/05, iha Salao Jose Catedral Dili.

Xefe Estadu mos reafirma katak Konstituisaun tane a’as liberdade imprensa no liberdade expresaun hanesan mensiona iha artigu 40 no 41. Iha prosesu kontrusaun Estadu, knaar media nian sai hanesan pilar ida ne’e importante tebes, atu haforsa no haburas demokrasia, promove direitus umanus no haforsa dezenvolvimentu sustentave, justu, ekuitativu no inklusivu.

Iha fatin hanesan Prezidente Konselho Imprensa, Virgilio Guterres ba TAFARA.TL liga ho mesajen Prezidente da Republika konaba knaar Konselho Imprensa nian ba media iha Timor-Leste.

Prezidente Virgilio hateten katak Prezidente da Republika nia mesajen hirak ne’e haforsa liutan orador sira nia lia fuan iha DDF ne’e, inklui Ministru Reforma Lejislativa no Asuntu Parlamentár no mos jornalista hosi Portugal, Adelino Gomes.

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos hatoo reportazen deit maibe oinsa sai fungsionariu ka sai servente ba umanidade. Responsabilidade ne’e katak respeita ema nia privasidade”, hateten Virgilio Guterres. * [Zevonia Vieira | TAFARA.TL | 11.05.2019]