Home Sosial & Politika Mari: Fretilin Kontinua Defende Estadu de Dereitu Demokratiku no Hametin Fretilin nia Unidade

Mari: Fretilin Kontinua Defende Estadu de Dereitu Demokratiku no Hametin Fretilin nia Unidade

87
0
SHARE
Mari: Fretilin Kontinua Defende Estadu de Dereitu Demokratiku no Hametin Fretilin nia Unidade

Caption: Lideransa partidu Fretilin iha konferensia jeral kuadru Fretilin nian ne

Partidu Fretilin organiza Konferensia Jeral kuadru Fretilin, hodi konfirma Unidade partidu nian no lideransa partidu nian, atu metin liutan. Konferensia ne’ebe lidera hosi Sekretariu Jeral Fretilin, Dr. Marí Alkatiri ho objetivu atu halo analize ba lala’ok vida estadu Timor-Leste nian dadauk ne’e.

“Determinasaun atu kontinua defende Estadu de Direitu Demokrátiku no atu impede ninia diluisaun ne’ebé provoka husi afirmasaun “poder informal” ida ne’ebé hakarak atu kondúz destinu nasaun nian haksumik tiha orgaun soberania sira nia funsionamentu”, hateten Dr. Marí, 21/09

Sekretariu Jeral Fretilin mos liu hosi konferensia ne’e fo hanoin ba kuadrus Fretilin konaba nesesidade, atu Fretilin kontinua ninia luta ba libertasaun povtu Timor-Leste, “Fretilin tenke satan tiha tentative oioin ne’ebe hakarak atu enfrakeza no sobu Fretilin”.

Tuir komunikadu imprensa ne’ebe distibui ba instituisaun media esplika katak, iha konferensia rasik halao diskusaun relasiona ho relatoriu servisu politiku hosi koordenador komisaun politika municipal sira no RAEAO, komisaun jurisdisaun no fiskalizasun, bankada parlamentar Fretilin no komisaun preparasaun ba planu no intervensaun iha area ekonomika no sekretariadu nasional.

Iha konferensia refere, kuadrus Fretilin sira nian koko atu resolve no kontinua intensifika liutan servisu Fretilin nian iha nivel nasional no iha baze. Konferensia rejista katak Timor-Leste so bele la’o fali iha dalan los, se Fretilin fila ba kaer ukun. Kaer ukun ho sentido estadu, hodi realiza kompromisiu politiku, kompromisio herois no martires sira nian, reforsa no konsolida instituisoens estadu ho kompetensias formal nebe Konstituisaun no lei fo.

Liu hosi komunikadu imprensa mos esplika katak, konferensia jeral kuadru Fretilin nian konklui ho determinasaun boot atu hametin Fretilin nia unidade no satan tiha tentativa externa oioin, ne’ebe atu harahun Fretilin, hahu programa formasaun politika patriotika, halao levantamentu dadus no servisu hamutuk ho eleitor foun sira, ho idade tinan 17 to’o 21, kontinua implementasaun husi deklarasaun Viqueque ne’ebé koalia kona-ba atividade socio-ekonomíkas no hahu prepara ba Fretilin nia vitoria iha eleisaun sira tuir mai, iha nivel nasional no munisipiu sira.

Hosi Konferensia Jeral ne’e, partidu Fretilin hatoo mos votus parabens ba Diocese Dili ne’ebe Santo Padre Pada Francisco hasa’e tiha ona nia nivel ba Archediocese no hatoo felisitasaun ba Archebispo Dom Virgilio do Carmo Silva. * [Zevonia Vieira | TAFARA.TL | 22.09.2019]