Home Sosial & Politika Oxfam Lansa Relatoriu Diversifkasaun Ekonomika Iha TL, Fidelis: Governu Fo Prioridade ba Pilar Haat

Oxfam Lansa Relatoriu Diversifkasaun Ekonomika Iha TL, Fidelis: Governu Fo Prioridade ba Pilar Haat

165
0
SHARE
Oxfam Lansa Relatoriu Diversifkasaun Ekonomika Iha TL, Fidelis: Governu Fo Prioridade ba Pilar Haat

Caption: Oxfam lansa relatoriu diversifikasaun ekonomika iha Timor-Leste. [Foto: Zevonia Vieira | 26.09.2019]

Oxfam Internasional lansa relatoriu konaba Diversifikasaun Ekonomika Iha Timor-Leste. Liu hosi lansamentu ne’e Country Director Oxfam, Kathy Ricards hatoo katak objetivu hosi tanba sa Oxfam hakarak halo programa Hadalan Lian Ba Governasaun Diak tanba tuir hosi dada lia ho komunidade, hatudu katak sira hakarak partisipa iha seitor ekonomia.

“Oxfam kria projetu Hadalan Lian Ba Governasaun Diak, hodi akumula dadus no informasaun hosi komunidade, hodi bele hatoo ba governu, ho nune’e bele kria espasu ba partisipasaun komunidade iha seitor ekonomia, hasae kapasitasaun grupu komunidade no kria lia oin-oin, hosi komunidade”, esplika Kathy, iha salao Sao Paulo, 26/09.

Tuir Country Director Oxfam katak projetu uniku ne’ebe Oxfam halo, oda ne’e etapa dahuluk no sei kontinua hanoin oinsa mak projetu ne’e lao ba oin. Relatoriu ne’ebe bele fo kontribuisaun ba ekonomia, oinsa ema halo debata konaba asumtu diversifikasaun ekonomia, “ami hakarak kria debate konaba diversifikasaun ekonomia ba publiku atu bele fo hanon hamutuk”.

Iha fatin hanesan, Ministru Reforma Lejizlativa no Asuntu Parlamentae [MRLAP], Fidelis Manuel Leite Magalhães fo parabens ba Oxfam no Australian Aid, ne’ebe produs ona informasaun importante ida ne’e.

Fidelis esplika katak agora dadauk governu hare Orsamentu Jeral do Estadu [OJE] ba tinan 2020, no eskala ona prioridades ne’ebe sei implementa iha tinan oin.

“Prioridade ba dahuluk  maka konaba capital sosial ka investimentu sosial, relasiona ho area sira ne’ebe mak iha ligasaun ho edukasaun, solidariedade sosial ho seitor sira seluk hanesan arte kultura, ensino superior no seitor ne’ebe iha ligasaun direita ho dezenvolvimentu sosial ka rekursu humanu ita nian no ema nian. Ba daruak maka ekonomia, iha tinan 2020 sei foku liu ba iha seitor produktivu sira, atu oinsa kontribui ba esforsu sira, atu bele halo lalais liu ita nia prosesu dezenvolvimentu, liu hosi seitor importante sira, atu kapitaliza buat ne’ebe ita iha ona no mos atu loke oportunidade ba ita nia populasaun sira, hodi bele hetan fontes de rendimentus atu nune’e bele halo ekonomia bele buras no nune’e sira rasik bele lori edukasaun, ai-han ba idak-idak nia uma laran.  Ba datoluk mak maka infrastrutura tanba infrastrutura kontinua sai importante, se ita hare kresimentu ekonomiku sira iha rai ne’e sei labele la ba oin, se diversifikasaun ekonomia ne’ebe bele lao, sei wainhira ita hadia infrasturtura sira no ikus liu mak dezenvolvimentu instituisional”, hateten Fidelis

Objetivu prinsipal hosi relatoriu ne’e atu ajuda parte interesada oioin, atu hatene no envolve an iha kestaun téknika sira ne'ebé relasiona ho dezenvolvimentu ekonómiku, ho envolvimentu efetivu liu iha governu nia prosesu foti desizaun.

Liu hosi relatoriu ne’e rasik mos inklui komentáriu husi respondente balu, ho objetivu atu klarifika kontestu no haree ligasaun entre povu nia preokupasaun loro-loron ho konseitu no indikadór tékniku kona-ba kestaun ekonómika. Programa Hadalan Lian Ba Governasaun Diak ne’e hetan apoiu finanseiru hosi Australian Aid. * [ Zevonia Vieira | TAFARA.TL | 26.09.2019 ]