Home Sosial & Politika PJR Hatoo Asumtu Rua Liga Ho Serbisu PJR no MP nian

PJR Hatoo Asumtu Rua Liga Ho Serbisu PJR no MP nian

232
0
SHARE
PJR Hatoo Asumtu Rua Liga Ho Serbisu PJR no MP nian

Caption: Prokuradoria Jeral Republika [PJR], Jose da Costa Ximenes. [Foto: Santina Lucia da Costa | 12.02.2020]

"Prokurador sira ne’ebé mai foun ho esperiensia ne’ebé naton, seidauk barak, ita koloka uluk ba distritu, sira ne’ebé iha distritu ita koloka fali mai iha Pokuradoria Jeral da Republika, ministeriu publika, para bele interven ho kualidade ho lalais". Jose Ximenes

Prokuradoria Jeral Republika [PJR], Jose da Costa Ximenes halo enkontru regular ho Prezidente da Republika, Dr. Francisco Guterres Lu Olo, hodi hatoo atividade Prokurador Jeral no Ministeriu Publika nian atividade iha fulan Janeiru nian.

Hafoin remata enkontru ba jornalista, Prokuradoria Jeral Republika hateten iha retiru anual sira konklui buat rua mak hanesan, oinsa mak prokurador jeral bele destaka ninia kuadru sira tuir volume serbisu ekonomi trabalho, ne’ebé ejize iha Prokuradoria  Republika destradu sira, fó de’it ezemplu hanesan prokuradoria Jeral dili, tinan-tinan iha mais 2000, iha tinan kotuk 2900 kauza entrada, entaun ita dehan, tenki destaka ita nia pesoal barak iha ne’eba, depois tuir mai iha Baucau, Suai, no Oecusse.

Jose hatutan, retiru mós konklui katak Ministeriu Publiku tinan ida ne’e sei tama ba iha 20 anos ninia konstrusaun, entaun retiru ida ne’e konklui katak tenke hanesan Ministeriu Publiku, hanesan labarik ida karik joven ona, entaun atuasaun reforsa iha kualidade, efetivu no lalais.

“Konsellu mós aprova planu atividade 2020 nian, oinsa atu suporta garante kualidade, formasaun, kontinua destaka ba munisipiu sira, ne’ebé ofisiarius distritu sira ne’ebé volume distritu sira presija para aumenta, konsellu aprova, hodi nomea prokurador estajiaru na’in 5 ne’ebé ultrapasa tiha ona iha fazes supermental durante tinan 1 fulan 6, estajiu fulan 6, estajiariu tinan ida”, hateten Jose Ximenes iha palacio prezidensia, 12/02

Jose da Costa Ximenes dehan, PJR disidi katak prokurador sira ne’ebé mai foun ho esperiensia ne’ebé naton, seidauk barak, ita koloka uluk ba distritu, sira ne’ebé iha distritu ita koloka fali mai iha Pokuradoria Jeral da Republika, ministeriu publika, para bele interven ho kualidade ho lalais. * [ Santina Lucia da Costa | Editor: Zevonia Vieira | TAFARA.TL | 12.02.2020 ]