Home Sosial & Politika Pradet Ho CNC Asina Akordu Apoiu Sovrevivente Sira Ba Tratamentu Saude Mental

Pradet Ho CNC Asina Akordu Apoiu Sovrevivente Sira Ba Tratamentu Saude Mental

213
0
SHARE
Pradet Ho CNC Asina Akordu Apoiu Sovrevivente Sira Ba Tratamentu Saude Mental

Caption: Pradet ho CNC asina Nota de Entedimentu. [Foto: Francisco JDA | 19.02.2020]

Centro Nacional Chega! [CNC] ho Pradet asina Nota de Entedimentu ba durasaun tinan tolu ho objetivu atu ezekuta mandatu ne’ebe CNC hetan hosi estadu, hodi kontiua fo solidaridade ba sobrevivente ne’ebe mukit.

Vulneravel tanba vitima hosi funu ne’e kontinua moris iha kondisaun oin-oin, tinan 24 funu sobrevivente sai vitima no iha nafatin kondisaun saude mental ne’ebe seidauk estavel. Grupu vulnerable ne’e presiza hetan tratamentu saude  no justisa social ne’ebe diak.

Diretor Executivu CNC,  Hugo Maria Fernandes ba jornalista sira iha konferensia da imprensa hateten tuir dadus Comissão de Acolhimento, Verdade e Reconciliação de Timor Leste [CAVR] ne’ebe uluk hetan hamutuk 700 resin iha periodu 2001 – 2005 sei presiza dadus ajustamentu hosi Pradet, FOKUPERS, ACbit, HAK, AJAR no mos uma mahon sira, ho nune’e vitima balun la konsege hakbiit sira nia an iha parte ekonomia, tanba sira presiza hetan apoiu nafatin ekonomikamente hosi estadu, tanba tuir konvensaun barak hateten, estadu tenke tau matan ba vitima sira.

“Iha diskusaun naruk, tinan kotuk grupu sira ami bolu politika hakbiit sobrevivente vuneravel sira iha politika nia laran iha kategoria politika tolu, ba vitima sira ne’ebe kontinua moris ho saude mental, tratementu ba saude fiziku, no hakbiit ekonomia iha sira  nia moris”, hateten Hugo Fernandes, 19/02.

Hugo esplika Pradet iha esperensia tinan naruk ho konfiansa ne’ebe durante ne’e hetan hosi estadu, fo fiar ba malu atu implementa atividade ida ne’e, nune’e bele halo atendementu ba vitima sira nian saude diak liu tan.

“Prioridade ba vitima sira ne’ebe mai hosi funu,  sofre mental hosi funu iha tinan 24  nia laran, baze de dadus no informasaun ita sei hetan. CNC rasik komesa elabora dadus, foti hosi saida mak CAVR durante ne’e hetan no hetan mos hosi Pradet, FOKUPERS, AJAR, ACbit, HAK, tanba  sira mak durante ne’e halo atendimentu ba vitima sira, hau iha konfiansa katak ita sei halo atendimentu  ne’ebe mak diak ho parseria ida ne’e”, hateten Hugo Fernandes

Entertantu Direitor Pradet Manuel dos Santos informa ba jornalsta sira, hateten Pradet hetan fiar hosi CNC, atu halo serbisu tekniku, hodi apoiu ema ho kondisaun vulnerable, ne’ebe luta ba ukun rasik an. * [ Francisco JDA | Editor: Zevonia Vieira | TAFARA.TL | 19.02.2020 ]