Home Sosial & Politika Prezidente Lu Olo Asina Ona Tratadu Fronteira Tasi Timor

Prezidente Lu Olo Asina Ona Tratadu Fronteira Tasi Timor

86
0
SHARE
Prezidente Lu Olo Asina Ona Tratadu Fronteira Tasi Timor

Caption: Prezidente Republika, Dr. Francisco Guterres (Photo: PRESIDENCIAREPUBLICA.TL)

Hau asina ona Rezolusaun Parlamentu Nasional ne’ebe ratifika Tratadu Fronteira Tasi Timor entre Timor-Leste no Australia, sei haruka ohin ba Parlamentu Nasional. LuOlo

Presidente da Republika, Dr. Francisco Guterres Lu Olo, asina ona konaba ratifika Tratadu Fronteira Tasi Timor entre Australia ho Timor-Leste.

Liu hosi deklarasaun ofisial ba jornalista sira, Prezidente Lu Olo hateten katak, iha loron 26 Julhu 2019, Prezidente da Republika simu rezolusaun Parlamentu Nasional, ne’ebe ratifika Tratadu konaba Fronteira Tasi Timor, kopia tradu nian no Dekrettu haat.

Lu Olo hateten tuir artiggu 85, Prezidente da Republika iha kbiit atu promulga ka veta Dekretu ne’ebe simu hosi Parlamentu Nasional iha loron 30 nia laran. Iha loron 20 nia laran, Prezidente da Republika bele mos husu fiskalizasaun preventina ba Konstituisaunlidade hosi Tribunal Rekursu katak, iha ka lae buat ruma hasori Konstituisaun. Hafoin simu akordaun hosi Tribunal Rekursu, Prezidente da Republika deside promulga ka veta Dekretu hosi Parlamentu Nasional.

Prosesu hatama Tratadu konaba Fronteira Tasi Timor iha orden juridiku Timor-Leste nian la tuir dalan hanesan ho Dekretu aprova iha Parlamentu Nasional. Tratadu ne’e aprova hosi Governu Timor-Leste no ratifika ona hosi Parlamentu Nasional, no tuir artigu 85 KDRTL, Prezidente da Republika nia kompetensia mak haruka publika Tratadu ne’e iha Jornal da Republika. Hafoin publika ona iha orgaun ofisial mak Tratadu ne’e hahu iha forsa no efikasia Lei nian.

"Hau asina ona Rezolusaun Parlamentu Nasional ne’ebe ratifika Tratadu Fronteira Tasi Timor entre Timor-Leste no Australia, sei haruka ohin ba Parlamentu Nasional. Hau hatete fila fali, Kompetensia Prezidente da Republika nian mak asina no haruka publika tratadu ne’e iha Jornal da Republika", hateten Lú Olo, iha palacio prezidensia, 22/08.

Liu hosi deklarasaun ofisiali hosi Prezidente Lu Olo, esplika mos katak bainira movimentu nasionalista hahu, atu iha ukun rasik-an, mosu kedas preokupasaun fronteira tasi no fronteira rai-maran. Fronteira iha importansia boot ba kualker nasaun. Fronteira mak nasaun nia baliza ne’ebe haketak rai idak-idak hosi rai vinzinhu.

Lu Olo mos hateten importante hatene ita nia area rai-maran to ne’ebe, rai leten no area tasi to’o iha ne’ebe. Presiza define territoriu nasional, hatene loloos nia luan, make bele hatene loloos sa rikusoin ne’ebe iha. “Nudar rai nain ita mak desidi rasik konaba ita nia rikusoin, iha fronteira laran, tuir ita nia hakarak. Bainhira ita iha kbiit atu desidi rasik, it abele hare oinsa ita produz riqueza. Ita nia soberania mai hosi kbiit ida ne’e, kbiit atu desidi rasik nudar povu no estadu”, deklara Lu Olo.* [ Zevonia Vieira | TAFARA.TL | 22.08.2019 ]