Home Patriota RENETIL Hatoo Omenazen Ikus Ba Dr.Lucas, Juaquim: Isin bele Tohik Fuk Bele Mutin Maibe Komprimisu Ba

RENETIL Hatoo Omenazen Ikus Ba Dr.Lucas, Juaquim: Isin bele Tohik Fuk Bele Mutin Maibe Komprimisu Ba

196
0
SHARE
RENETIL Hatoo Omenazen Ikus Ba Dr.Lucas, Juaquim: Isin bele Tohik Fuk Bele Mutin Maibe Komprimisu Ba

Caption: Militantes no simpatizantes RENETIL fo omenajen badala ikus iha sede RENETIL. [Foto: Nug Katjasungkana | 09.09.2019]

RENETIL hatoo omenajen ikus ba fundador no konseptor RENETIL, Dr. Lucas da Costa “Rama Metan” iha sede RENETIL Farol, Dili. Militantes no simpatizantes RENETIL halibur hamutuk iha sede RENETIL iha oras tuku 14:00 lorokraik hodi simu mate isin saudozu Dr.Lucas da Costa “Rama Metan.

Sekretariu Jeral RENETIL, Juaquim da Fonseca hatoo nia lian menon katak iha RENETIL nia leet, Dr. Lucas da Costa “Rama Metan” mak otas boo liut, nia dalan duni mak ohin hatudu ba uluk ona.

Atu lakon maun ohin loron ne’e todan liu ba ami, ami sei la prontu husik maun iha ami nia leet. Ohin loron ami bele hanoin hikas deit  mesajen ne’ebe ita hamutuk iha tinan 30 resin, iha ita nia uma fukun ida ne’e, ami sente hanesan honra no previlejiu ida atu kompratilha momentu balun hamutuk ho maun iha luta atu liberta povu ida ne’ebe ita hola parte”, hateten Sekretariu Jeral RENETIL, 09/09.

Juaquim da Fonseca hatutan katak, isin bele tohik, fuk bele mutin maibe komprimisiu atu halo diak ba rai ida ne’e nungka tohik to’o loron ne’ebe nia hakotu iis.

“Iha tinan 30 resin ita hamutuk, ami hatene katak iha buat balun ne’ebe ami halo la kona maun nia laran, ba ida ne’e lori militante nia naran tomak, hau husu maun perdua ami, atu hare deit buat diak ne’ebe mak ami halo”, hateten Juaquim

Durante minute 15 nia laran iha sede RENETIL, membru RENETIL, Carlos Saky hatoo insureisaun politika RENETIL nian ne’ebe uluk hamutuk fundador RENETIL  sira hakerek hamutuk iha tempu okupasaun.

Saudozu, Lucas da Costa, ho naran funu 4, Colimau, Lahe Mau, Asa-Bere no Rama Metan. Nia kuinesidu liu ho naran Rama Metan.

Rama Metan, oan mane ba dahuluk hosi maun-alin nain 5, mane 3 no feto 2. Oan mane 3 mak Lucas da Costa Rama Metan, Raimundo Gonçalves no Lahe-Mau. Oan feto 2 mak Sose-Mali no Bui-Rai. Rama Metan moris iha dia 11 de Janeirode 1952, iha Atsabe, Ermera.

Nia Aman Aça Bere, hosi Uma Lisan Ai-Lecono Inan Olo Leço, hosi Uma Lisan Lako Ubu. Sirarua hotu hosiAtsabe.

Iha 1974 to’o 1975, saudozu Rama Metan sai Delegadu no Presidente do Comite Regional da ASDT/FRETILIN, iha Manufahi. Saudozu hamutuk ho Timor oan nain 42, Proklama no subscreve Inssureisaun Jeral Armada iha Aisirimou, Aileu. FALINTIL moris hosi Proklamasaun Inssureisaun Jeral Armada ida ne’e, iha dia 15 de Agostode1975. Loron 2 hafoin deklarasa insuresaun (17deAgosto1975), saudozu rasik, hamutuk ho Nicolau Lobato, Alarico Fernandes, Abel Larisina, ho seluk-seluk tan, assalta no hadau Kompainia militar Portugues nian iha Aileu. Iha falun balun nia laran, tinan 1975, hetan fiar hosi FRETILIN hodi sai Responsavel Principal ba Komisaun de Inquerito do Comite Centralda FRETILIN (CCF) ihaAileu.

Iha Fulan Setembru 1975, Rama Metan desloka hamutuk ho FALINTIL ba Atsabe hodi hala’o knar hanesan enfermeiru no mos hanorin kursus enfermajen ba Timoroan. Iha Outubro de 1975, Rama Metan harii Eskola Infarmaria, primeira eskola ne’ebé Timor- Oan rasik mak harii no jere. Fulan hirak liu tiha, iha Novembro de 1975, wainhira FRETILIN forma Primeiru Governu, saudozu Nicolau Lobato, konvida Rama Metan atu sai Vise Ministrude Saúde, maibe nia rekuza. Maski nia rekuza atu sai Vice-Ministrode Saude, maibe CCF bolu nia hodi hamutuk ho Ministru Guido Valadares, dezenvolve sistema saúde iha Primeiru Governu FRETILIN ne’e.

Iha 20 de Junho de 1988, nia uza naran Lahe-Mau, hamutuk ho estudantes na’in 9 seluk, sira harii Resistência Nacional dos Estudantes de Timor-Leste (RENETIL), iha Denpasar, Bali, hodi organiza no mobiliza estudantes Timoroan sira hodi luta no reziste hasoru okupasaun Indonesia nian iha Timor-Leste. Nia la’os fundador de’it, maibe mos hanesan mestre no konseptor ba planos no estratejias RENETIL nian. Nia mak prepara no hakerek rasik Proclamação da Inssureição Política dos Estudante de Timor-Leste, proklamasaun ida nebe inspira hosi Proclamação da Inssureição Geral Armada iha Aileu, iha1975.

Tinan ida liu tiha (1989), Rama Metan sai Premeiru Chefe de Redasaun no Editor ba Boletin Neon Metin, primeiro Boletin Klandestina nian. Iha Boletin ne’e, nia uza naran Asa-Bere. Iha momentu hanesan sai mos Presidente do Conselho Curadorda RENETIL, orgaun ida nebe halo acompanhamento no supervizaun ba serbisu sira executivos nian (1990 to’o 1992).

Hafoin de militar Indonesia kaer saudozu La Sama, ho estudante sira seluk iha Novembro 1991, Rama Metan sai Koordenador ba Prezidium da RENETIL, orgaun ida nebe hamosu hamutuk ho Comite Permanente do Conselho Central da RENETIL, hodi halo reoganizasaun no reestruturasaun ba RENETIL hafoin organizasaun ne’e hetan desmantelamentu, iha tinan 1992 to’o 1999. * [ Zevonia Vieira | TAFARA.TL | 09.09.2019 ]