Home Sosial & Politika Timoroan Ba Dahuluk Neebe Hetan Covid-19 Ohin Fila Ba Uma, Hau Konsege Kura-an

Timoroan Ba Dahuluk Neebe Hetan Covid-19 Ohin Fila Ba Uma, Hau Konsege Kura-an

78
0
SHARE
Timoroan Ba Dahuluk Neebe Hetan Covid-19 Ohin Fila Ba Uma, Hau Konsege Kura-an

Caption: eis pasiente Covid-19. [Foto: Zevonia Vieira | 16.05.2020]

Hau tama iha hotel Katuas iha loron 1 Abril, iha ne’eba besik semana ida mak hetan isin manas no kostupadu, entaun iha tempu ne’eba dotor sira hasai sample hosi inus no ibun laran no rezultadu positvu. Iha kalan 9 Abril hau tama Vera Cruz, hodi halo tratamentu iha ne’eba.  Hau husu ba populasaun hotu labele paniku no ita rasik mak bele prevene an,tuir Ministeriu Saude nian regra katak uza maskra, distansia sosial no fiziku no fase liman ho sabaun lor-loron”.

Maluk timoroan nudar estudante ne’ebe mak halo nia estudu iha Indonesia no nudar timoroan ba dahuluk ne’ebe afeta kazu positivu Covid-19, ne’ebe kuarentena iha hotel Katuas.

Iha loron 15 Maiu bainhira halo teste ba daruak nian konsege hetan rezultadu negative no iha loron 16 Maiu marka prezensa iha centru media CCD, hodi hatoo nia esperiensi no agradesementu ba pesoal saude no mediku sira ne’ebe mak halo ona tratamentu durante fulan 1 liu iha Vera Cruz.

Ba jornalista sira maluk timoroan ne’e hakturi nia esperiensia nudar eiz pasiente ba Covid-19.

“Hau nudar timoroan segundu kona kazu Covid-19 iha Timor-Leste, uluk nanain hau hatoo agradese ba Nai Maromak tanba ohin loron hau bele ultrapasa hosi moras ne’e, ohin hau hamrik iha ita boot sira nia oin. Iha fatin Vera Cruz hau hela durante fulan 1 semana 1, hau hamutuk ho kolega nain 23 ho kazu konfirmadu no baixa iha Vera Cruz. Ohin loron hau hasoru dotor, enfermeiru no enfermeira oin-oin, ekipa hosi laboratoriu sai bosan ho hau iha fatin ne’eba karik, tanba kada loron rua sira hasae swab hosi hau”, tenik maluk timoran ne’e, iha CCD 16/05.

Nia haktuir tan hosi loron ba loron kolega sira iha mudansa no fila ba sira nia uma, “hau mak nafatin positivu iha Vera Cruz, buat barak mak hau hasoru iha fatin ne’eba hanesan triste, fuan taridu no tauk, dalaruma toba la dukur no sente mesak no la gosta atu han. Hau agradese ba dotor, dotora, enfermeira no enfermeira sira tulun ona hau, to’o ohin loron hau bele ultra pasa no hetan isin diak fila fali. Hau bele hatene hau nia frakeza, pasensia hodi simu krizi ne’ebe hau hasoru”.

Media Dili Post bainhira konfirma ba eiz pasiente Covid-19, karik iha ai-moruk ruma ne’ebe consume durante iha Vera Cruz?

Ba Dili Post maluk timoroan ne’e hatan,  “pesoal saude sira fo ai-moruk no hahan hodi bele rekopera ami nia saude”.

Hosi GMNT nian husu atu fahe esperiensa bainhira hetan virus Corona no lia menon ba publiku konaba Covid-19, ba GMN maluk timoroan ne’e hateten, "hau tama iha hotel Katuas iha loron 1 Abril, iha ne’eba besik semana ida mak hetan isin manas no kostupadu, entaun iha tempu ne’eba dotor sira hasai sample hosi inus no ibun laran no rezultadu positvu. Iha kalan 9 Abril hau tama Vera Cruz, hodi halo tratamentu iha ne’eba.  Hau husu ba populasaun hotu labele paniku no ita rasik mak bele prevene an,tuir Ministeriu Saude nian regra katak uza maskra, distansia sosial no fiziku no fase liman ho sabaun lor-loron”. * [ Zevonia Vieira | TAFARA.TL | 16.05.2020 ]