Home Sosial & Politika Virgilio: Jornalista Tenke Ukun Rasik-an Uluk no Tenke Intelektual

Virgilio: Jornalista Tenke Ukun Rasik-an Uluk no Tenke Intelektual

95
0
SHARE
Virgilio: Jornalista Tenke Ukun Rasik-an Uluk no Tenke Intelektual

Caption: Prezidente KI Virgilio Guterres. [Foto: Santina Lucia da Costa | 11.05.2020]

Relasiona ho programa Editor Club ba edisaun daruak nian ne’ebe organiza hosi Asosiasaun Jornalista Timor Lorosa’e (AJTL), ho tema Hametin Sala Redasaun Ida Ne’ebe Livre no Independensia Hosi Interferensia Politika no Ekonomia.

Bainhira jornalista sira halo entrevista ho Prezidente Konsellu Imprensa (KI), Virgilio Guterres konaba independensia sala redasaun, nia hateten formasaun pesoal profisional jornalista ida-idak nian katak molok atu sai jornalista nia tenki fiar-an, katak nian hatene profisaun ne’e,  tan saida nia tenki hadomi nia profisaun fiar-an.

“Saida mak ita tenki halo hodi fiar-an entaun ita nia koñesimentu, atu nune’e bele dehan labele tauk, liberta-an husi tauk, atu nune’e ukun rasik ita nia-an uluk, depois mak marka ita nia independensia iha ema seluk nian”, hateten Prezidente Konsellu Imprensa, Virgílio Guterres ba jornalista sira hafoin halo diskusaun editor club iha Quintal-Boot, loron, 14/5.

Prezidente KI hateten Konsellu Imprensa nia papel mak oinsa atu apoia asosiasaun sira ne’e, AJTL, TLPU no sei mosu tan organizasaun ruma atu hamutuk hametin ida ne’e, atu jornalista ida iha kapasidade tolu, ne’ebe Lei Konsellu Imprensa hateten kapasidade teknika, kapasidade profisional no kapasidade intelektual.

Prezidente KI hateten kapasidade teknika mak oinsa uza kameramen oinsa halo edisaun ba imajen, ba lian no edit notisa. Kapasidade profisional mak oinsa atu hakruk ba padraun etiku sira ho prinsipiu otolojiku sira ne’ebe sai matadalan ba ninia profisaun, oinsa atu respeitu direitu publiku ninian, respeita segredu fontes sira nian, respeita regras ne’ebe instituisaun tau.

Relasiona ho kapasidade intelektual Prezidente KI hateten jornalista ninia serbisu lorloron sai tenki sai diskusaun debate publiku, husi parte A koalia no partidu B koalia, organizasaun husi saude ninian, koalia agrikultur ninian, entaun jornalista laos transmisor pasivu, nia mos tenki ativu, nia hatene katak saida mak nia transmite ne’e buat los ba ninian publiku. Kapasidade jornalista nia tenki iha atu interpreta informasaun ka ideias sira ne’ebe transmite.

“Agradese tebtebs Konsellu Imprensa parseria ho UNDP, UNESCO, UNTL ho UNITAL, entaun iha situasaun duodesimu ne’e, Konsellu imprensa bele organiza nafatin formasaun sira ne’e.” Tenik Prezidente KI.

Prezidente KI dehan ezistensia media ida atu hatene ninia independensia ou lae ne’e iha komponente tolu, ida mak estatutu editorial, estatutu organiku no programa. Hanesan iha fatin seluk bainhira iha nomeasaun politika ona, iha orgaun nia laran sempre iha interese politiku. * [ Santina Lucia da Costa | Editor: Zevonia Vieira | TAFARA.TL | 14.05.2020 ]