Home Internasional Wiranto - Xanana Sei Hasoru Malu Hodi Rezolve Fronteira Terestre

Wiranto - Xanana Sei Hasoru Malu Hodi Rezolve Fronteira Terestre

160
0
SHARE
Wiranto - Xanana Sei Hasoru Malu Hodi Rezolve Fronteira Terestre

Caption: Menkopolhukam Wiranto (karuk) ho Kay Rala Xanana Gusmao hafoin halao sorumutu iha Jakarta, Indonesia, iha dia 21/08/ 016 liu ba. (Photo: AKTUAL.COM)

Ministru Koordenador Politika, Direitu no Seguransa (Menkopolhukam) Wiranto informa katak nai sei hasoru malu ho Kay Rala Xanana Gusmao hodi finaliza diskusaun konaba fronteira terestre entre Indonesia no Timor-Leste.

"Xanana sei halao vizita iha Segunda-feira (22/7)," Wiranto hatoó iha edifisiu Menkopolhukam, Jakarta, Quinta-feira.

Wiranto esklarese katak sorumutu ida neé sei partisipa mos hosi Ministru Negosius Estranjeirus Indonesia (Menlu) Retno Marsudi, neébe sira sei koalia konaba Senior Official Consultation (SOC).

SOC hanesan konkordansia ka rezultadu enkontru entre Menkopolhukam Wiranto, Menlu Retno Marsudi no Xanana Gusmao mak halao iha tinan 2017 liu ba. SOC ninia funsaun mak atu halao diskusaun teknikamente hodi solusiona disputa limitasaun fronteira.

"Hau nia sorumutu ho Xanana bele dehan sorumutu hodi toma desizaun politika, hodi formaliza rezultadus SOC dalima iha Bali," tenik Wiranto. 

Wiranto hatutan oras neé iha ona progresu konaba desputa limitasaun fronteira refere. Hafoin finaliza tiha fronteria terestre iha fatin rua, ninia parte sei kontinua hodi halo diskusaun konaba fronteira maritima.

"Hau hasoru nia dala-barak ona. Hau espera ho sorumutu iha dia 22 neé hanesan parte ida hosi finalizasaun ba prosesu neébe narauk teb-tebes," dehan Wiranto.

Limitasaun fronteira terestre neébe mak sei deskuti entre lideres hirak neé mak Noel Besi-Citrana no Bidjael Sunan-Oben. Fronteira Noel Besi-Citrana hanesan area ida neébe inklina ba teritoriu Kabupaten Kupang mak hafahe direktamente ho Oecusse-Ambeno. Area Bidjael Sunan Oben inklina ba teritoriu Manutasi, Kabupaten Timur Tengah Utara (TTU). * (Metodio Caetano Moniz | TAFARA.TL | 20.07.2019)


Fontes: https://www.antaranews.com/berita/963892/wiranto-xanana-akan-bertemu-bahas-perbatasan-indonesia-timor-leste)