Home Internasional Xanana - Wiranto Asina Ona Akordu Konaba Fronteira Terestre

Xanana - Wiranto Asina Ona Akordu Konaba Fronteira Terestre

181
0
SHARE
Xanana - Wiranto Asina Ona Akordu Konaba Fronteira Terestre

Caption: Menkopolhukam Wiranto no Kay Rala Xanana Gusmao asina akordu konaba fronteira terestre entre Indonesia no Timor-Leste iha Edifisiu Menkopolhukam Jakarta, Segunda-feira, dia 22 Julho 2019. (Photo: ANTARA/FAUZI LAMBOKA)

Kay Rala Xanana Gusmao no Ministru Koordenador Politika, Direitu no Seguransa (Menkopolhukam) Wiranto, iha Jakarta (22/07/2019) asina ona akordu konaba fronteira terestre entre Timor-Leste no Indonesia.

Hafoin asina akordu refere, sita hosi notisias mak antaranews.com fo sai, ba jornalista sira Wiranto deklara katak paises rua neé ikus mai prinsipalmente solusiona duni problemas linhas fronteiras entre Timor-Leste no Indonesia. 

"Hau esklarese katak sorumutu konaba fronteira terestres em prinsipiu ita finaliza ona. Ba oin ita mos sei koalia konaba fronteira maritima," tenik Wiranto. 

Wiranto hatutan katak ho finalizasaun akordu neé, tuir mai sei follow-up hosi Senior Official Consultation (SOC) para kontempla iha adendum rua mak konsiste akordu fronteira teritoriu 2015 entre Indonesia no Timor-Leste.

SOC hanesan konkordansia ka rezultadu enkontru entre Menkopolhukam Wiranto, Menlu Retno Marsudi no Xanana Gusmao mak halao iha tinan 2017 liu ba. SOC ninia funsaun mak atu halao diskusaun teknikamente hodi solusiona disputa limitasaun fronteira.

Iha fatin hanesan Kay Rala Xanana Gusmao hateten katak lori Timor-Leste nia naran hatoó agradesimentu ba Menkopolhukam Wiranto no Ministru Negosius Estranjeirus Indonesia Retno Marsudi, neébe mak hola parte mos iha sorumtu ida neé.

"Prinsipalmente ita iha ona akordu konaba fronteira terestre. Ida neé hatuduk katak fraternidade entre nasaun rua, ba oin sei sai diak liu tan," hatoó Xanana.

Limitasaun fronteira terestre neébe mak sei deskuti entre lideres hirak neé mak Noel Besi-Citrana no Bidjael Sunan-Oben. Fronteira Noel Besi-Citrana hanesan area ida neébe inklina ba teritoriu Kabupaten Kupang mak hafahe direktamente ho Oecusse-Ambeno. Area Bidjael Sunan Oben inklina ba teritoriu Manutasi, Kabupaten Timur Tengah Utara (TTU).* (Metodio Caetano Moniz | TAFARA.TL | 23.07.2019) 


Fontes: https://www.antaranews.com/berita/970112/wiranto-xanana-tandatangani-kesepakatan-selesainya-perbatasan-darat