Wednesday , June 19 2019
Home / Sosial & Politika / Zaulino: Brani Hateten Ne’e La Los, Se Ita La Brani Keta Mehi Atu Muda Timor
Prezidente APFTL, Zaulino Gomes da Silva.[Foto: Zinho MD | TAFARA.TL ].

Zaulino: Brani Hateten Ne’e La Los, Se Ita La Brani Keta Mehi Atu Muda Timor

“ita keta mehi muda ita nia an mos, tanba ne’e prepara ita nia an,  atu muda uluk ita nia an para ita hanoin atu muda Timor ida ne’e”, Prezidente APFTL.

Alumni Parlamentu Foinsa’e Timor-Leste (APFTL) ho sira nian kapasidade kona ba edukasaun sivika, realiza atividade refere iha eskola Sekundaria 4 de Septembru.

Prezidente APFTL, Zaulino Gomes da Silva, hato’o deskursu iha abertura ba treinamentu Edukasaun Sivika hateten, atividade dezenvolve hahalok siviku foinsa’e nian ne’e valor ida ne’ebe mak tenki tau hanesan kultura ida ba foinsa’e, tanba joven tenki iha hahalok ida ne’ebe mak siviku ba joven feto no mane.

“Imi konsege asegura no kuida ambiente ne’ebe mak  diak,  ne’e joven ne’ebe mak siviku, la pinta eskola tun sa’e, ne’e hahalok ne’ebe siviku, ne’ebe labele sukat buat boot hosi hahalok siviku, buat kiik deit”, esplika Prezidente APFTL.

Atividade ne’ebe hala’o iha loron 3/08, Prezidente Zaulino haklean liutan katak estudante sira atu sai nu’udar ajente ba kontrolu social, husu ba estudante sira atu brani, koalia sai ba buat ne’ebe mak  la los, tan ida ne’e mak bele muda Timor.

“imi ho hau ita labele tuur nonok hodi hateke deit buat nebe la los, ita tenki brani atu hateten katak ne’e la los. Se ita la brani , ne’e ita keta mehi atu muda Timor ida ne’e,  ita keta mehi muda ita nia an mos, tanba ne’e prepara ita nia an,  atu muda uluk ita nia an para ita hanoin atu muda Timor ida ne’e”, Zaulino esklarese.

Iha sorin seluk GIZ ne’ebe mak suporta ba atividade ne’e, Senior  Assessor Educação Civica, Leonizia Tecla, hato’o katak senti kontenti atu fo apoiu ba Alumni Parlamentu Foinsa’e Timor-Leste ba atividade ne’e.

“ZIG kontinuasaun fo apoiu ba formasaun edukasaun civika, ne’ebe mak ami fo tiha ona ba APFTL, sira hakarak kontinua fahe sira nia esperiensia ba joven sira seluk”, hateten Leonizia.

Iha fatin hanesan, Diretor da Eskola, Sekundaria 4 de Setembru, hato’o nia intervensaun katak formasaun nebe mak fo ba estudante sira, hanesan asumtu ne’ebe mak importante ba foinsa’e sira.

Bainhira jornalista TAFARA.TL dadalia ho Estudante Eskola Sekundaria 4 de Setembru, Joana Pires,  11O ano CT4, sente orgullu ho treinamentu ida ne’e tanba bele hetan material foun hodi haforsa liutan juventude nian kapasidade.

Joana Pires mos hato’o nia mensajen ba estudante sira seluk, atu labele baruk hodi tuir atividade sira nebe mak oferese husi parte oin-oin, hodi bele buka hatene saida mak sedauk  hatene.

Atividade formasaun ne’e partisipa husi estudante na’in 30, husi eskola Sekundaria 4 de Setembru. Treinamentu ne’e sei hahu hosi loron 3 to 5 de Agustu no fasilita husi Divizaun Fomasaun APFTL.* [Yane Maia | TAFARA.TL | Editor: Zevonia Vieira | 3.08.2017].

About Yane Elfrida Maia

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *