Thursday , February 21 2019
Home / Sosial & Politika / Oferese Ran Ida Ba Ema Ida Nia Vida, Ita Salva Ona Ema Ida Nia Vida
Doador Ran hetan hela atendimentu husi mediku HNGV iha programa aktividade doasaun ran.[Foto: APFTL].

Oferese Ran Ida Ba Ema Ida Nia Vida, Ita Salva Ona Ema Ida Nia Vida

Ita sei salva ema ida nia moris, ho ran ne’ebe mak oferese. Bainhira ita oferese ita nia ran ba ema ida nebe presija tebes, ne’e parte hosi sivismu no hatudu ita nian solidu ba malu.

Alumi Parlamentu Foinsa’e Timor-Leste (APFTL), parseira ho Sekretariu Estadu Juventude no Desportu (SEJD), hala’o programa aktividade doasaun ran, antes selebra loron internasionál ba Juventude iha loron 12 Fulan Agostu tinan 2017.

Iha aktividade doasaun ran ne’e,  Prezidente APFTL, Zaulino Gomes da Silva, esplika liga ho katak, ‘HAU NIA RAN SALVA EMA SELUK NIA VIDA’, ida ne’e siknifika katak, oferese ran ne’ebe iha, hatudu solidariu ba maluk sira ne’ebé mak presiza tulun, liu husi ran mak ne’ebe oferese.

“Ran ne’ebe oferese ba Hospital Nasionál Guido Valadares (HNGV), bele uza ran ida ne’e, hodi salva ita nia maluk Timor oan sira, ne’ebé presiza ita nia tulun”, Zaulinu hato’o mensagen ne’e ba jornalista sira iha Uma Biti Boot SEJD, loron 09/07/2017.

Iha fatin hanesan Direktora Geral  Xefe Interina, Francelinha Ximenes, liu husi nia diskursu katak, Timor-Leste agora dadaun ofisialmente sai hanesan membru Nasoens Unidus,  halo mobilizasaun para atu selebra loron mundiál Juventude Timor-Leste nian, ida ne’e jestu ida, hodi hatudu katak, Timor-Leste mós tau atensaun ba iha dezenvolvimentu area Juventude nian.

 “Ita hotu hatene katak ran ne’e labele sosa, maibé bazeia ba ita konsiensia, ita nia hanoin dehan katak ita tenke azuda malu. Oinsa ajuda no tulun ita nia maluk sira ne’ebé mak iha hospital no presiza los ita nia ran, atu ajuda sira”, hateten Francelinha Ximenes.

Iha parte seluk Medico Jeral Polisia Militar (PM), Rui da Silva Fernades hateten, nudar doutor Medico Jeral ida ne’e parte hosi servisu ne’ebe tenke halo. Esperansa boot katak hosi donasaun ida ne’e, bele fo tulun, no  habelar fo doasaun ran, hodi nune atende nesesidade pasiente sira ne’ebe presija ran.* [Emanuel Andrade | TAFARA.TL | Editor: Zevonia Vieira | 09.08.2017].

About Emanuel Andrade

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *