Friday , February 23 2018
Home / Sosial & Politika / Acilino: Papel Parpol Importante Mobiliza Komunidade Hodi Partisipa Iha Eleisaun no Resensiamentu
Diretor Geral Sekretariadu Tekniku Administrasaun Eleitoral [STAE], Acilino Manuel Branco [Foto: Timor Agora]

Acilino: Papel Parpol Importante Mobiliza Komunidade Hodi Partisipa Iha Eleisaun no Resensiamentu

STAE kontinua halo preparasaun ba eleisaun antesipada ne’ebe sei monu iha loron 12 Maiu 2018, tuir dekretu Prezidente da Republika numeru 7/2018.

Iha preparasaun refere, STAE halao enkontru ho partidu politiku sira, ho objetivu, hodi informa atividade ne’ebe iha ligasaun ho eleisaun nian, liu-liu atividade partidu sira nian.

Hafoin sorumutu ho partidu politiku sira iha salao enkontru STAE, Kaikoli 09/02 ba jornalista sira Diretor Jeral STAE, Acilino Manuel Branco hateten liu hosi enkontru ne’e, hodi esplika konaba resensiamentu no atualizasaun baze de dadus ne’ebe oras ne’e lao hela, tanba resensiamentu ne’e hakerek mos iha Konstituisaun. Resensiamentu ne’e sei halao iha rai laran no rai liur.

“Tuir Konstitusaun resensiamentu neíe obrigatoriu e tenki aktualiza kada eleisaun maibe tuir Lei No.6/2016 ne’ebe mak regula propriu konaba aktus ida ne’e, hanesan aktus de kontinuasaun ida, tanba ne’e mak durante ne’e, aktus ne’e lao hela. Horseik ita halo ona rensensiamentu no sei halo atendimentu ida ne’ebe mak masimu iha postu administrativu hotu, iha tempu badak sei halo mos iha rai liur”, dehan Acilino.

Director ne’e mos salenta katak, hare ba baze legal Lei no 6/2016 alem de hetan supervizaun husi komisaun das eleisoes, lei mos fo dalan atu bele hetan fiskalizasaun hus partidus politiku sira, tanba ida ne’e oportunidade ida atu mos informa situsaun ba partidus politiku sira, bele mos halo fiskalizasun iha aktus ida ne’e.

Tuir hanoin hosi STAE katak, papel paritdu politiku importamte, hodi bele halo sensibilizasaun ba militante sira. STAE halao edukasaun votantes, CNE halo edukasaun sivika, no papel partidu sira nian importante hodi tulun mobiliza komunidade sira, hodi bele partisipa iha aktus resensiamentu no iha eleisaun.

Partidu politiku sira ne’ebe partisipa iha enkontru refere, hamutuk partidu 16. Iha sorumutu ne’e rasik TAFARA.TL observa katak laiha lider masimu partidu nian, mak marka prezensa.*[Bebiana Soares | Editor: Zevonia Vieira | TAFARA.TL | 10.02.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

CNC Estabelese Biblioteka Chega Iha Eskola Canossa

“Centru Chega nia planu atu loke ba eskola hotu-hotu, fulan hira nia laran sei loke …

Leave a Reply

Your email address will not be published. Required fields are marked *