Friday , September 21 2018
Home / Sosial & Politika / Adriano: Kria Politika Hodi Redus Dependensia Ba Asesor Internasional
Deputadu banakda PD, Adriano do Nascimento halo entrevista ho TAFARA.TL.[Foto: Zevonia Vieira | TAFARA.TL | 25.09.2017].

Adriano: Kria Politika Hodi Redus Dependensia Ba Asesor Internasional

Deputadu Adriano Nacimento rekomenda atu redus asesor internasional ne’ebe halo servisu ba estadu Timor, tempu to ona hodi fo oportunidade b Timor oan sira hodi halo servisu nudar asesor.

Parlamentu Nasional halao debate Orsamentu Jeral Estadu [OJE] 2018 ne’ebe mak VIII Governu Konstituisional aprezenta iha uma fukun parlamentu nasional. Liu hosi debate OJE membru PN no membru governu sira iha esperansa katak, tempu to’o ona hodi redus dependensia ba asesor internasional sira ne’ebe mai halo servisu hodi fo apoio ba estadu Timor-Leste.

Liu hosi Ministeriu Koordenador Asumtu Ekonomiku, apresenta iha uma fukun parlamentu nasional, iha debate OJE 2018, hateten katak liu hosi beins servisu, ba servisu professional preve $501 mill hosi governu.

Liga ba orsamentu ne’ebe preve, deputadu Bankada Partitu Demkratiku (PD), Adriano Do Nasimento husu ba politiku nain hotu, atu kria politika ida hodi redus dependensia ba asesor Internasional sira.

“ita presiza iha politika ida dependensia ba asesor internasional ne’e tempu ida tenke para,” tenik Adrianu.

Iha fatin hanesan Deputadu husi bankada PLP, Francisco Vasconselho akresenta liu tan katak konkorda ho hanoin ne’ebe mak propoin husi deputadu Adriano do Nasimento konaba redus asesor internasinal hodi fo oportunidade ba asesor Timor oan sira, tamba Timor oan sira mos iha kapasidade.

“Durante ne’e Timor iha kapasidade barak, ita mak la hatene utiliza ita nia rekursu tamba governu investe iha kapasidade dezenvolvimentu umanu durante tinan 10 nia laran, ne’ebe ita iha ema kapasidade barak”, akresenta Francisco Vaz Conselho.

Hosi diskusaun refere, Ministru Koordenador Konselho Ministru Agio Pereira, hateten katak atu hases ba dependensia asesor internasionais, hanoin ne’e filosofai ida estadu tomak ninian, dependensia bele halo estadu la-lao ba oin, “tuir ritmu ne’ebe ita presija, independensia mak bele fo impulse ka dudu makas ”. * [ Jesuino Marcal de Jesus | Editor: Zevonia Vieira | TAFARA.TL | 03.09.2018 }

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *