Saturday , July 21 2018
Home / Ekonomia & Bisnis / AEMTL Sei Realiza Simpozium Internasional Hodi Valoriza Ekonomia TL
Asosssiaçáo Empresarial das Mulheres Timor-Leste. [Copyright logo AEMTL]

AEMTL Sei Realiza Simpozium Internasional Hodi Valoriza Ekonomia TL

Ita sei aprende klean liu tan atu identifika oportunidade iha reseisaun ekonomia, atu transforma asaun ida ne’ebe produtivu liu, atu ajuda setor privadu lai laran no mos parte hotu”. Herguiluina Alves

Sekretaria Estadu Inkluzaun Sosial [SEIGIS] parseria ho Asosiasaun Emprezarial das Mulleres Timor-Leste [AEMTL], sei realiza simpozium [konferensia. Red] internacional ho tema oportunidade iha Reesaun Ekonomika no sei selebra aniversariu ba dala sanulu AEMTL nian iha Timmor-Leste.

Tuir Diretor Jeral SEIGIS, Armando da Costa katak objetivu hosi simpozium ne’e atu valoriza enkuadramentu ekonomia Timor-Leste nian iha momentu ne’ebe hasoru frazilidade politika no reforsa asaun sira ne’ebe bele hasai husi situasaun ida ne’e.

Armando hatutan katak SEIGIS instituisaun governu ne’ebe parseria ho AEMSTL bazeia ba lei organika VII Governu Konstitusional iha artigu 28 kona ba programa hakbiit no hasa’e kapasidade maluk feto sira iha ekonomia, nune’e maluk feto sira ne’ebe mak iha abilidade ba hala’o negosio bele partisipa hodi bele aprende tan husi peritu sira ne’ebe mak mai husi rai liur, no rai sira ne’ebe iha ona experiensia kona ba reseasaun Ekonomika.

Iha fatin hanesan tuir Prezidente AEMSTL Herguiluina Fernades Alves  katak, husi simpozium ne’e bele aprende husi esperiensia mak sei fahe husi oredores internasional no nasional, hodi bele halo transformasaun ba asaun ne’ebe produtivu liu hodi ajuda setor privadu rai laran no parte hotu.

“Liu husi simpozium ida ne’e ita sei hare ba oportunidade iha reseisaun Ekonomia liu husi esperiensia no matenek ne’ebe mak sei fahe husi oradores sira husi nasaun haat hanesan Cambodia, Malaisia, Portugal, Indonezia ho Timor-Leste, hein katak iha loron ida ne’e, ita sei aprende klean liu tan atu identifika oportunidade iha reseisaun ekonomia, atu transforma asaun ida ne’ebe produtivu liu, atu ajuda setor privadu lai laran no mos parte hotu, ami hanoin katak eventu ne’e importante teb-tebes, i sai mos nu’udar misaun AEMTL nian, ho eventu ida ne’e ita hanoin katak, bele transforma landscape ka mindset husi setor privadu nian ne’ebe mak maioria depende ba projetu governuatu sai setor provadu ida ne’ebe mak ho vizaun emprendedorismu”, hateten Herguiluina Fernandes Alves, iha konferensia da imprensa, 24/04.

Entretantu iha sorin seluk ba Jornalista sira, Conselheira Economica e Comercial da Embaixada fde Portugal e Delegada de Aicep, Isabel Maia e Silva ne’ebe apoiu ba AEMTL hodi realiza Simpozium ne’e katak, nu’udar ajensia internasional nia papel importante mak oinsa atu manten kooperasaun komersiu internasional entre Timor-Leste ho Portugal ba benificio empresarios rai rua ne’e nian.

Eventu ida ne’e sei nakloke ba publiku atu asesu liu-liu ba joven sira, tanba iha eventu refere bele foti valores pozitivu barak ba foinsa’e sira. Atividade simpoziu ne’e sei realiza iha 26 de Abril 2018, hodi selebra decimo Aniversariu AEMSTL, lansamentu ba Planu Estratejia AEMTL nian ba periodu 2017-2021 inklui Feira kona ba Produtu Lokal ne’ebe produs husi empresaria feto sira iha Hotel Novu Turismu, no hetan apoiu husi Instituto Apoiu Dezenvolvimentu Emprezarial (IADE), IFC/W BG, UNWomen no Aicep Portugal Global. *[ Yane Maia | Editor: Zevonia Vieira | TAFARA.TL | 25.04.2018}

About Yane Elfrida Maia

Check Also

RAMOS HORTA Inagura Vista Alegre, Horta: Timor Bele Sai Sentru Reksportasaun

“Timor bele sai hanesan sentru reisportasaun sira bele lori sasan kualidade mai husi Portugal, rai …

Leave a Reply

Your email address will not be published. Required fields are marked *