Friday , August 17 2018
Home / Eleisaun Parlamentar / Akara: Fo Vitoria ba AMP, Kontinua Dezenvolve Dili Sai Kapital Verde
Xanana Gusmao, Taur Matan Ruak no Naimori iha kampanna eleitoral. [Foto: Copyright Aldo Martins]

Akara: Fo Vitoria ba AMP, Kontinua Dezenvolve Dili Sai Kapital Verde

”Se ita fo vitoria ba AMP, ita sei kontinua dezenvolve Dili sai fatin hakmatek para ba ema hela, ba ema estuda no para ema buka servisu”. Mericio Akara

Liu hus mini kampanna hosi Aliansa Mudansa ba Progresu [AMP], iha postu administrative Crisot Rei, Kampu Futebool Kulau, ba militante no simpatizante sira, Mericio Akara hateten, AMP mosu ho objetivu prinsipiu rua deit mak hametina nasaun Timor. Atu hametin ai riin haat estadu ninian ne`e be agora dadaun la funsiona, fulan neen liu ona, governu la funsiona. Hamutuk ho Xanana, Taur Matan Ruak no Nai Mori. AMP mosu atu defende Timor nia riku soin.

“Hamutuk ho maun Xanana, maun Taur Matan Ruak no maun Nai Mori, fo Vitoria dala ida tan ba AMP, ba Timor Lorosae para riku soin Timor nian mai ho ita, para ita ukun an kompletu, ho total hamriik iha ita nia ain rasik ekonomikamente, tanba ne`e kadoras tenke mai, para atrai investedor sira seluk hodi mai investe ita nia rai”, hateten Akara 2/05.

Mericio mos salienta katak programa AMP nia kompletu liu, diak liu husi kualker partidu ne`ebe agora eziste iha ita nia rai. Iha programa nasional, programa espesifiku ba kada munisipiu, ”se ita boot fo vitoria ba AMP, ita sei kontinua dezenvolve Dili sai fatin hakmatek, para ba ema hela, para ba ema estuda no para ema buka servisu, se fo Vitoria ba AMP ita tenke kontinua dezenvolve Dili, sai kapital ida ne`ebe mak verde, moos zere ita nia lixu ho diak I kontinua sai fatin ne`ebe maka katuas ferik sira too labarik bele hela ho hakmatek, hanesan rezultadu husi ita nia ukun rasik an, hela iha uma diak ida, eskola ho fasilidade ho klinika diak iha Kapital ida ne`e , ida ne`e mak AMP bele fo garantia, katak AMP manan Dili ita sei kontinua dezenvolve tuir planu estrategia dezenvolvimentu nasional”.

Iha fatin hanesan, Konseleiru Maximu AM, Jose Dos Santos Naimori Bukar, liu husi nia komprimisiu Politika katak, Xanana hateten, nia luta laos ba nia an, nia luta atu hakotu Timor nia problema, atu hakotu povu ida ne`e nia distinu moris nian, entaun nia luta nafatin, nia luta hodi hetan rezultadu manan Fronteira, atu nune`e luta nafatin povu ida ne`e , atu nune`e para bele lori Mina mai Timor-Leste.

“Ita presiza lideransa ne`ebe forte, nasaun ne`e forte, povu ne`e forte, joven ne`e hakmatek, se lae nasaun forte, joven la forte ,joven la hakmatek, nasaun ne`e la bele forte, tanba nasaun ne`e iha joven nia liman, estabilidae iha joven nia liman, atu kria dezenvolvimentu, primeiru joven ne`e tenke hakmatek, joven tenke rona malu, joven tenke fiar malu, joven tenke lolo liman ba malu, joven ne`e la bele haree ba grupu, la bele haree ba suku, rasa, liafuan, ne`e soe tiha, tanba la`os organizasaun no partidu maka fohan ita boot sira, ita boot sira mak fohan ita boot sira nia an rasik, mak labele involve iha hahalok aat sira ne`e “, hateten Naimori

Tuir observasaun hosi TAFARA.TL ba iha mini kampanna AMP ne`e rasik hetan partisipasaun maximu husi militantens no simpatizantes AMP nian, hetan observasaun husi CNE no mos hetan seguransa masimu husi PNTL . *[Emanuel Andrade de Araujo | Editor: Zevonia Vieira | TAFARA.TL | 02.05.2018]

About Emanuel Andrade

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *