Tuesday , March 26 2019
Home / Sosial & Politika / Alcino: Arguido 13 Detein Liu Ona Oras 72, Ne’e Viola Ona Regra
arguido nain 13 halao hela prosesu hearing (premeiru interogatoriu) ba loron daruak.[Foto: Zevonia Vieira | TAFARA.TL | 24.08.2017].

Alcino: Arguido 13 Detein Liu Ona Oras 72, Ne’e Viola Ona Regra

Kazu kapturasaun 13 manifestantes ne’ebe mak polisia kaer, halao hela prosesu premeira interogatoria iha tribunal ba loron daruak. Bainhira jornalista TAFARA.TL hasoru malu direitamente ho arguido Domingos Andrade , ne’ebe mak polisia kaer iha loron 21/08, iha fatin manifestasaun Museum Resistensia nia oin, hateten asaun legal ne’e dirizi ba estudante 13 todan oituan,

“Alegasaun ne’ebe dirizi mai ami todan oituan, ho kazu ne’e todan oituan maibe hau fiar katak tribunal sei hatur justisa ho lolos. Ami priense ona 72 oras mais tanba prosesu iha tribunal mak hanesan ne’e, no iha posibildade ami hetan prizaun preventiva”, hateten Domingos Andrade.

Domingos Andrade ba TAFARA.TL mos hatudu espresaun katak ho livremente hakarak ba prizaun tanba hakarak kontinua luta ba interese nasional inklui kolega sira seluk prontu tama prizaun.

Bainhira jornalista TAFARA.TL konfirma ho defensor arguido 13, Alcino Gomes esplika kona ba kapturasaun liu tiha ona oras 72, ida ne’e viola ona lei ka lae? Defensor Alcino Gomes esplika katak, parte defeza mos ohin mensiona kestaun ida

ne’e,  mais kazu ne’e komplikadu tanba kestaun krimi ne’ebe fo todan ba arguido nain 13, nia modura pena boot liu.

“Ami mensiona kona kapturasaun ne’ebe liu ona oras 72, maibe juiz esplika katak sei presiza tempu hodi analiza no tetu didiak lai depois mak foti desizaun, atu nune’e desizaun nee bele justu, proporsional no ema hotu bele simu.  Maibe parte defeza nafatin ho pozisaun katak kestaun de tempu, tanba tempu agora liu ona 72 oras no tribunal husu ba ami atu komprende situasuan ida ne’e. Mais klaru katak ida ne’e viola ona regra balun.

Tuir hosi prosesu hearing iha alegasaun hosi Ministeriu Publiku kondena no aplika prizaun preventive ba arguido nain 5, maibe hosi parte defeza nian husu atu liberta arguido hotu tanba tuir defensor sira hosi Sindikatu Fronta Maubere katak arguido sira nee defende lia los no la hola parte iha violentu ne’ebe akontese.

Premeira interogatoriu ba loron daruak nian ne’ebe halo iha Tribunal Distriu Dili, iha loron 24/08, hetan partisipasaun masimu hosi grupu universitariu, sosiadade sivil no atista sira hodi fo solidaridade ba estudante sira ne’ebe hetan kapturasaun, iha tempu halo manifestasuan kontra lelaun prado iha Parlamentu Nasional.* [Zevonia Vieira | TAFARA.TL | 24.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *