Thursday , May 23 2019
Home / Eleisaun Parlamentar / Alkatiri: Ha’u Dehan Ona, Partidu Vensedor Mak Primeiru Ministru

Alkatiri: Ha’u Dehan Ona, Partidu Vensedor Mak Primeiru Ministru

“Ha’u dehan dala barak ona, so partidu vensedor mak Primeiru Ministru. Hau la dehan ha’u mak sai Primeiru Ministru, so ke partidu vensendor mak sai Primeiru Ministru,” dehan Mari Alkatiri.

Segunda-Feira, 14 de Agostu 2017, Sekretariu Geral Partidu Frente Revolusionariu Timor Leste Independente [FRETILIN], Mari Alkatiri hamutuk ho nia komitiva hasoru malu ho Prezidente Republika, Franscisco Guterres Lu-Olo hodi aprezenta kona-ba prosesu formasaun setimu governu konstitusional iha Timor-Leste.

“Ami hato’o prosesu sira ba Prezidente Republika, Prezidente dehan, kontinua ba, bainhira iha ona rezultadu final lori mai para Prezidente bele hahu nomeia Pimeiru Ministro, depois Primeiru Ministro forma governu,” tenik Sekretariu Jeral FRETILIN.

Bainhira media sira husu kona-ba sistema formasaun governu nian ne’ebe mak sei uza no distribuisaun kadeira ba partidu koligadu, Mari Alkatiri esplika “Insidensia Parlamentar ka koligasaun ne’ene ita deskuti lai. Hau hanoin katak ita sei halo konjuga buat rua ne’e, koligasaun ou iha inkluzaun desidensia parlamentar.” Nia hatutan “Kadeira la’os para atu fahe, kadeira ita atu halo servisu ba povu, se ita halo politika atu fahe kadeira ba malu diak liu ita ba sosa deit kadeira iha merkadu. Imi hanesan Jornalista rona ona saida mak Partidu lima kolia, ba Hau metin ne’e prejisa tur ona agora para kaer liman metin liu tan, entaun metin ona,” hateten Mari Alkatiri iha Palasiu Prezidente.

Entretantu iha loron hanesan Sidadaun Hadomi Paz hola mos inisiativa hasoru malu ho Prezidente da Republika RDTL hodi hato’o ideias kona-ba formasaun Governu ne’ebe la’o ho paz.

“Ami vokasionadu hasoru Prezidente Republika atu kolia, husu prezidente akompaña prosesu ne’ebe mak la’o, uza nia kompetensia ne’ebe iha. Ami hanesan sidadaun hadomi paz, akompaña prosesu ne’ebe mak iha, ne’e pertense ba ita hotu nia responsabilidade hodi kolia ho prezidente oinsa bele hetan dalan rua ne’ebe diak ba ita nia nasaun no fomrasaun governu mai. Ita akompanha prosesu la’o hela, seidauk iha serteja lolos, maibe hanesna sidadaun ita hotu iha responsabilidade atu fo hanoin ba orgaun soberanu sira, kolia ho politikus sira saida mak diak ba ita nia nasaun, liu liu sidadaun hadomi paz buka meius hotu hotu atu antisipa eleisaun antisipada i no mos interupsaun durante formasaun governu ida mai ne’e,” dehan portavoz sidadaun hadomi paz, Luis Sampaio iha Palacio Prezdente Republika.

Luis Sampaio afirma liu tan, “ita lakoi buat ruma, hanesan esperiensia ladiak sira mak ita liu tia ona ne’e akontese fila fali, ita fo oportunidade ba na’i ulun sira bele halo aproximasaun, dialog politika hodi hetan forma ida ne’ebe maka diak ba formasaun governu tuir mai.” *[Martinho Moniz | TAFARA.TL | Editor Ato Costa | 14.08.2017]

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *