Friday , September 21 2018
Home / Sosial & Politika / Alzira: Feto Tenke Unidus No Tenke Hetan Apoiu Husi Nia Parseiru Sira
Direitora Fundasaun Alola, Alzira Reis koalia iha dialogu loron mundial feto. [Foto: Virginia Pereira | 08.03.2018]

Alzira: Feto Tenke Unidus No Tenke Hetan Apoiu Husi Nia Parseiru Sira

“Feto tenke unidus maibe tenke hetan apoiu husi nia parseiru sira, tamba ne’e ba iha tema loron mundial feto nian hatete katak tempu to ona feto ativista rural, iha mos rubana, esforsu hamutuk transforma ba moris nian”. Alzira Reis

Fundasaun Alola hamutuk ho Alfela, selebra loron mundial feto, ne’ebe mak monu iha loron 8 Marsu. Iha selebrasaun loron feto, Fundasaun Alola realiza dialogu hamutuk ho organizasaun feto, governu, parte seguransa, no estudante sira. Iha dialogu refere Direitora Fundasaun Alola, Alzira Reis hateten objetivu principal ba loron internasional feto mak hamutuk partisipativu ho feto lideransa sira hotu, liu-liu feto partidu politiku sira no feto polisia sira, ho nune’e fahe sira nia esperiensia konaba susesu saida mak sira ganha no obstaklu saida mak sira hasoru durante ne’e, ho nune’e sai manifestasau ba joven feto sira, atu bele prepara an, hodi sai lideransa, fo motivasaun sira hodi dezenvolve sira nia moris iha future.

“Feto tenke unidus maibe tenke hetan apoiu husi nia parseiru sira, tamba ne’e ba iha tema loron mundial feto nian hatete katak tempu to ona feto ativista rural, iha mos rubana, esforsu hamutuk transforma ba moris nian, tempo ida agora nia signifika katak unidus ho objetivo ida hakat ba dezenvolve nasaun liu husi involve feto nian”, hateten Alzira.

Nudar ativista feto, Alzira mos hateten bainhira iha feto ida sai lideransa, sempre iha obstaklu ne’ebe hasoru. Bainhira feto maluk sira hetan oportunidade atu sai lideransa, tenke mos asegura igualdade jeneru, iha fatin sira ne’ebe feto maluk sira servisu ba, iha uma laran no iha ambiente sira seluk.

Direitora Alzira mos husu ba joven ativisra sira, hodi aprende buat balun hosi lideransa sira, hodi bele desidi moris iha futuru no atinji mehi, “hau husu ba feto maluk sira iha area rural, tempu to ona atu konsilida an, servisu hamutuk ho apoio hosi familia tomak, hodi hakat ba oin, dezenvolve ita nia moris, no kontribui ba iha dezenvolvimentu”.

Iha fatin hanesan Xefe Adjuntu Unidade Narkotika, Teresinha de Sousa, ba jornalista sira, iha aula Fundasaun Alola, 8/03 hateten hanensa polisia investigasaun criminal, koko para fahe matenek tomak ba instituisaun pNTL, hodi servisu suporta governu, liu-liu iha area kombate krimi no droga.

“Difilkudade hanesan feto Policia Timor-Leste kuaze atu la iha, tamba hau nia maluk mane sira iha hau nia servisu fatin, fo sira nia suporta masimo mai hau nia servisu, tanto iha planu servisu operasaun mos servisu hamutuk ho ami nia maluk mane sira”, konfesa Teresinha. * [ Virginia Pereira | Editor: Zevonia Vieira | 10.03.2018 ]

About Virginia Pereira

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *