Saturday , May 26 2018
Home / Eleisaun Parlamentar / AMP Apresia Servisu FFDTL-PNTL No Maturidade Povu Nian Iha EA
Prezidente CNRT no nudar Prezidente AMP, Xanana Gusmao ho Taur Matan Ruak halo konferensia imprensa ho jornalista sira iha sede CNRT. [Foto: Jesuinho Marcal de Jesus | 15.05.2018]

AMP Apresia Servisu FFDTL-PNTL No Maturidade Povu Nian Iha EA

“Parabens ba povu tomak, ho sentidu povu nian konsege duni partisipa. Povu buka hakas an, atu tau nia votu konfiansa ba partidu sira ne’ebe konkore, nune’e hatudu katak iha prosesu konstruksaun estadu ne’e, povu mos preparadu atu simu dezafius no difikuldade, ho esperansa katak bele hadia ba nia an rasik”. Xanana

Aliansa Mudansa ba Progresu [AMP] hatoo apresiasaun ba parte forsas no seguransa [PNTL no FFDTL] ne’ebe halo sira nia knaar ho diak durante kampanna partidu politiku no loron votasaun ne’ebe monu iha loron 12 Maiu.

Prezidente AMP, Xanana Gusmao iha sede CNRT, 15/05 ba jornalista sira hateten apresiaun boot ba servisu makaas hosi FFDTL no PNTL.

“Ami tur hamutuk hanoin katak tenke fo lia fuan apresu ba servisu makas hosi forsas segurasan [PNTL no FFDTL], hodi hatudu katak iha elisaun antesipada no durante kampanna tomak, ami hare no verifika duni, ne’e esforsu boot tebes. AMP fo parabens ba kuadrus no militantes AMP, durante kampanna tomak no mos iha loron votasaun ne’ebe halo servisu makaas”, hateten Xanana

Xanana mos reafirma katak lori diresaun AMP nia naran, fo parabens ba povu tomak, ho sentidu povu nian konsege duni partisipa. Povu buka hakas an, atu tau nia votu konfiansa ba partidu sira ne’ebe konkore, nune’e hatudu katak iha prosesu konstruksaun estadu ne’e, povu mos preparadu atu simu dezafius no difikuldade, ho esperansa katak bele hadia ba nia an rasik.

“Ami nain tolu, fo apresu boot tebes ba maturidade politika povu nian em jeral, ita akompanna situasaun buat balun mosu iha ita nia leet, mais populasaun Timor-Leste em jeral hatudu katak, ita iha duni maturidade politika ne’ebe ita bele dehan sente orgullo. Iha fatin balun hanesan sunu uma balun karik, populasaun la levanta, estraga uma, baku ema maibe ema la levanta, ida ne’e diak tebes”, Apresia hosi Xanana

Prezidente CNRT ne’e mos husu ba militante no kuadrus AMP bele tur hakmatek nafatin, husu ba militante no kuadrus AMP sai nudar sidadaun diak, tanba agora mak atu komesa servisu, “povu espera nia votu, para ezizi ba sira ne’ebe manan eleisaun ne’e. Ami hosi partidu tolu nia komprimisiu mak sei halao saida mak fo sai ona ba povu, tuir ami nia programa politiku”.

Liu hosi rezultadu provizoriu hos STAE hatudu katak PEP hetan votus 5.053 [0,81%], Partidu Demokratiku votus 50,034 [8,03%], PR hetan votus, 50.034 [0,66%], Fretilin ho votus 212,974 [34,18%], MSD ho votus 3.187 [0,51%], MDN votus 4.493 [0,72%] no AMP hetan votus 309.015 [49,59%].

Total votus validu hamutuk 623.156 [98,27%], nulu hamutuk 7.357 [1,16%], Branco hamutuk 2.995 [0,47%], reclamadu 598 [0,09%], rezeitadu total 20 [0.00%], abandonadu totak 28 [0,00%]. Votantes tuir eleisaun total 784.286 [100%], no la tuir eleisaun hamutu 150.130 [19,14%]. * [ Zevonia Vieira | TAFARA.TL | 15.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Xanana-TMR Sei Hasai Marí Hosi ZEESM, Marí: Argumentu La Validu

“Uluk hau ba iha ne’eba [ Oecusse. Red] mos Fretilin lakon kiik liutan, hau laos …

Leave a Reply

Your email address will not be published. Required fields are marked *