Wednesday , October 24 2018
Home / Eleisaun Parlamentar / AMP Hakarak Rezultadu Justu, Xanana: Halo Rekontajen Lakohi Manan Ho Manipulasaun
Prezidente AMP Xanana Gusmao no Portavos AMP Taur Matan Ruak iha konferensia imprensa. [Foto: Jesuinho Marcal de Jesus | 15.05.2018]

AMP Hakarak Rezultadu Justu, Xanana: Halo Rekontajen Lakohi Manan Ho Manipulasaun

“AMP hakarak rezultadu ne’ebe fair ka justu tanba ne’e mak sei junta akta sira ne’e, kompila nafatin, verifika no dehan ba STAE no CNE katak ema sira konta sala karik. AMP hakarak para iha rekontajen, tanba lakohi manan ho manipulasaun”. Xanana 

Rezultadu eleisaun antesipada ne’ebe fo sai ona hosi STAE hatudu katak, Aliansa Mudansa Progresu [AMP] ho numeru konkorete walu, hetan votus 309.015 [49,59%] ne’ebe tur iha premeiru lugar, no tuir kedas ho Fretilin numeru konkorente haat ho votus 212,974 [34,18%], Partidu Demokratiku votus 50,034 [8,03%] no Frente Dezenvolvimentu Demokratiku ho votus 34,235 [5.50%].

Liu hosi konferensia imprensa iha sede CNRT, Prezidente AMP, Xanana Gusmao hateten rezultadu elisaun mai hosi loron 12 Maiu, AMP akompanna hosi sede AMP nian no fo apresiasaun ba pesoal sira ne’ebe servisu iha STAE, iha estasaun votu hotu, tanba AMP bele dehan katak sira kontribui atu minimiza ka hamenus iregularidade sira.

“Loron hira ne’e ami akompanna diak tebes, hanesan iha fatin balun mosu bulletin de votus ne’ebe furadu, STAE kansela tanba sala, iha fatin ne’ebe urnas barak liu karik sira hare mos. Joven sira hatudu konsiensia diak tebes ba futuru nasaun ne’e, tanba nasaun ne’e lao ba oin, nasaun ne’e idade aumentan tan no loron seluk fali sira mak sei kaer rai ida ne’e, nune mak ami labele evita atu fo apresu ba joven sira, maibe bainhira buat sira dehan lao diak, maibe tanba mos rezultadu ka kondisionadu ba fatores sei iha konstruksaun estadu nian, maka ami mos preokupa ho pesoal STAE ne’ebe iha apuramentu iha municipio, bele iha hanoin dala ruma la hatene halo konta karik, dala ruma salah ketik, ida ne’e mos falansu”, hateten Xanana

Xanana mos afirma katak iha municipio DIli, hosi akta sira ne’ebe AMP simu, no verifika hotu hatudu katak AMP hetan votus 72 mill votus, maibe kontazen hosi STAE hatudu votus 71 mill, “ami bele dehan falansu tekniku, ida ne’e mak ami preokupa, ami bolu atensaun hanesan, para hanoin katak tenke servisu ho diak. Ami tenta aprezenta ona reklamasaun, tanba ami rekolla ona aktas hosi kedas estasaun votus, tanba atu reprezenta reklamasaun, tenke hatudu faktus, tanba ami identifika hosi sentru votasaun fo hatene, ami akompanna tuir kedas”.

Prezidente AMP ne’e mos esplika katak AMP hakarak rezultadu ne’ebe fair ka justu tanba ne’e mak sei junta akta sira ne’e, kompila nafatin, verifika no dehan ba STAE no CNE katak ema sira konta sala karik. AMP hakarak para iha rekontajen, tanba lakohi manan ho manipulasaun.

Hatan ba TAFARA.TL liga ho preokupasaun AMP nian iha falansu teknika hosi ekipa STAE nian iha sura votu, karik ida ne’e akontese dala barak ona iha eleisaun ne’ebe akontese iha tinan 10 nia laran ona?

Xanana hatan katak, “hau la koalia tinan 10 nia laran, maibe hau koalia rezultadu tinan ida ne’e, tanba tinan kotuk durante kontazen iha CNE, ami admira tebes katak tanba sa mak mosu 11 mill votus nulu, karik sala ketik, la hatene matematika karik. Ami aprende ho erus ne’ebe husi ami rasik halo, tanba ida ne’e mak kada sentru votu ne’e AMP iha fiskais lima, konta hamutuk, rezultadu hotu konkorda asina akta. Ami la dehan manipulasaun maibe ami dehan falansu tanba karik balun koleng ona, balun hakerek salah karik, tanba ne’e ami husu rekontajen, tanba ami lakohi benefisia, tanba ita iha rekontruksaun estadu ne’e, ami hakarak halo didiak, para buat ne’e sai hanesan abitu politiku ne’ebe halo diak”. * [ Zevonia Vieira | TAFARA.TL | 15.05.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *