Friday , August 17 2018
Home / Eleisaun Parlamentar / AMP hasoru Malu Ho PR, Xanana Sedauk Prontu Atu Fo Sai Naran PM
Prezidente AMP, Xanana Gusmao halo entrevista ho jornalista sira iha palacio prezidensia. [Foto: Zevonia Vieira | 04.06.2018]

AMP hasoru Malu Ho PR, Xanana Sedauk Prontu Atu Fo Sai Naran PM

Xanana Gusmao sedauk prontu hatoo ba jornalista sira, se mak atu sai Primeiru Minsitru.

Lideransa sira hosi Aliansa Mudansa ba Progresu [AMP] hasoru malu ho Prezidente da Republika, Dr. Francisco Guterres Lú Olo.

Liu hosi entrevista ho jornalista sira iha palacio prezidensia, lideransa masimu no nudar Prezidente AMP, Xanana Gusmao informa katak tuir Konstituisaun Prezidente da Republika konvida Partidu no koligasaun sira depois de Tribunal Rekurso fo rezultadu eleisaun antesipada parlamentar 2018.

“Presidente bolu ami hodi koalia, no atu hahu periodu foun, ligislatura foun. Ida ne’e enkontru normal ne’ebe Presidente da Republika halo. Ami koalia konaba bainhira mak Parlamentu fo pose, tanba tuir Konstituisaun loron 15 masimu parlamentu hetan pose. Koalia mos bainhira mak governu hetan pose. Ami hotu hein bainhira mak iha parlamentu desidi atu hetan pose”, hateten Xanana 4/06.

Xanana mos informa katak tuir kalendariu politiku katak governu mais hosi parlamentu tanba ne’e depois de V Parlamentu Legislature, maka AMP sei indijita Primeiru Ministru mai Prezidente da Republika no sei koalia tan konaba estrutura governu.

TAFARA.TL koko konfirma karik Taur Matan Ruak konfirmadu sai Primeiru Ministru? Maibe la hetan resposta hosi Prezidente AMP, Xanana Gusmao.

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *