Wednesday , October 24 2018
Home / Sosial & Politika / AMP: Programa VII Governu falha kumpri rekezitus Tuir Artigu 108 KRDTL
[Foto: Media Center CNRT].

AMP: Programa VII Governu falha kumpri rekezitus Tuir Artigu 108 KRDTL

Liu hosi komunikadu imprensa Aliansa Maioria Parlamentar, hateten katak hafoin Parlamentu Nasional apresia aprensentasaun ba programa VII Governu Konstituisional, ne’ebe halao iha loron 16 to 19 Outubro katak Aktu Konsitusional halo tuir artigo 109 C-RDTL.

“Aktu ida ne ezerse ho koidadu no responsabilidade as, tau interese estado no nasaun nian hodi haklaken knar lolos tuir C-RDTL define iha artigu primeiru.

Tuir artigu 109º C-RDTL, apresiasaun Programa Governu nee kompetensia esklusiva Parlamentu Nasional nian, tanba nee maka deputadus sira iha dever ho kompetensia hodi halo apresiasaun molok atu fo votus de confiansa ou votus de rejeisaun ba programa”, esplika iha komunikadu imprensa, 24/10.

Liu hosi komunidadu imprensa portavos AMP, Arão Neo hateten katak AMP iha obrigasaun ba povu hodi informa razaun katak, nudar representante, maioria populasaun Timorense, Bankadas Aliansa Maioria Parlamentar iha dever no kompetensia tomak atu apresia no rejeita programa VII Governo Konstitusional, bankada opozisaun afirma katak formulasaun Programa Governu nian falha atu kumpri rekezitus hirak ne’ebé hatur iha artigu 108.º Konstituisaun RDTL konaba substánsia ka konteúdu hosi dokumentu ne’e rasik. Artigu 108º nee koalia klaru kona materia saida deit maka presiza inkorpora iha programa ne’ebé governu lori mai Parlamentu Nasional hanesan Prinsipius Politikus,  Objetivus, Medidas no tarefas atu fasilita fiskalizasaun, monitorizasaun no implementasaun prograta hirak nee.

“Bankada Aliansa Maioria Parlamentar hare katak dokumentus ne’ebé aprezenta hosi governu, hanesan dokumentu narativu ho aprezentasaun iha Power Point la-han malu. Iha debate Programa Governu ne’ebé aprezenta hosi VII Governu Konstitusional, Deputadus hosi Bankada AMP hato’o pergunta espesifiku ba Governu maibe sua Excelensia Senhor Primeiru Ministru em vez de responde perguntas ne’ebé koloka, uza fali tempu hodi hato diskursu politiku, okasionalmente ataka Deputadu Bankada Opozisaun no halo fali hanesan kampanha Eleitoral uza transmisaun direta ho kanais media nasionais”, esplika iha komunikadu imprensa.

Liu hosi komunikadu imprensa Bankada AMP mos esplika razaun politika hosi musaun rejeisaun katak VII Governu ida ne’e, la harii ho Maioria Parlamentar, Governu minoritariu sei buka atu hetan apoiu tutuir dalan durante nia governasaun ne’ebé bele hamossu klima insustentabilidade, atu prevene impozisaun hosi governu minoria ba maioria iha lalaok politika ita nia rain Timor-Leste iha future, atu reafirma papel opozisaun iha pais demokratiku nudar alternativa ba programa no mos ba governsasaun no atu evita hamosu governu ida ne’ebé la forte, frajil no la estavel ne’ebé bele hamosu inserteza boot ne’ebé la garante atu fo fiar ba konfiansa merkadu, investimentu estrangeiru, publiku no privadu, no dezenvolvimetu ekonomia em jeral.

Tuir AMP nia hanoin katak VII Governu ne laiha apoiu polítiku minimu necessariu iha Parlamentu Nasional no laiha kondisaun atu foti medidas xave hodi halao dezenvolvimentu. Bainhira governo ida fraku implika kustu politiku, social no ekonomia ne’ebé aas tebes ba estado. Bainhira governu ida la iha apoiu politiku sufisiente iha Parlamentu Nasional maka sei hamosu kompromisu politiku barak hodi sustenta governu ne’e nia subrevivensia durante tinan lima no Governo ida ne’ebé laiha apoio maioria iha parlamentu sei laiha serteza no bele monu bainhira deit no sei prejudika dezenvolvimentu nasional.

Liu hosi komunikadu imprensa AMP husu ba entidades hotu no Povu Timor-Leste konaba rejeisaun Programa Governu nian, laos tanba la apoia dezenvolvimentu maibe mosaun de rejeisaun nee, tanba governu ida nee laiha kondisaun atu bele garante dezenvolvimentu no moris diak povo doben Timor-Leste.* [Zevonia Vieira | TAFARA.TL | 24.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *