Friday , September 21 2018
Home / Sosial & Politika / Aniceto: Uluk Kedas AMP dehan Hau Viola Rejimentu, Mais AMP La Konsege Fundamenta
Prezidente Parlamentu Nasional halo entrevista ho jornalista sira iha palacio prezidensia. [Foto: Zevonia Vieira | 10.01.2018]

Aniceto: Uluk Kedas AMP dehan Hau Viola Rejimentu, Mais AMP La Konsege Fundamenta

“Hori uluk kedas AMP dehan hau viola rejimentu , sira hatama proposta hakarak hatun hau, ne’ebe laos foin agora mak hau viola rejimentu, buat hotu dehan hau viola rejimentu, mais sira la konsege fundamenta”. Aniceto

Prezidente Parlamentu Nasional, Aniceto Guterres hasoru malu ho Prezidente da Republika hodi informa atividade regular nian ne’ebe akontese iha semana ne’e nia laran.

Hafoin remata enkontru ba jornalista sira Aniceto Guterres informa katak Prezidente da Republika husu kona ba tanbasa laiha plenaria iha loron Segunda no Tersa foin lalais ne’e.

“Hau esplika deit ba Prezidente da Republika hanesan hau esplika ona iha konferensia da imprensa katak tanba laiha ajenda entaun laiha plenaria, hatudu katak Prezidente da Republika preokupa ho situasaun parlamentu nian”, esplika Aniceto.

Hatan ba TAFARA.TL liga ho statementu AMP katak Prezidente Parlamentu Nasional viola rejimentu Parlamentu?

Aniceto responde katak, “hori uluk kedas AMP dehan hau viola rejimentu , sira hatama proposta hakarak hatun hau, ne’ebe laos foin agora mak hau viola rejimentu, buat hotu dehan hau viola rejimentu, mais sira la konsege fundamenta, la konsege komprova katak hau viola rejimentu. Sira halo rekursu ida ba proposta Orsamentu Retifikativu, hatama rekursu, depois iha loron 19 sira fundamenta saida”.

Ba TAFARA.TL Aniceto mos klarifika deklarasaun hosi AMP kona ba karta mosaun sensura ne’ebe fo ba Primeiru Ministru ho numeru referensia 87/PRES/2017, ne’ebe entrega iha loron 3 Janeiru 2018, ho asumtu atu halo ajendamentu ba debate mosaun sensura ba governu. Tanba tuir AMP, katak PPN manipula hodi la fo konsiderasaun lolos va karta refere ne’ebe AMP hatama iha loron 20/11/2017.

“Muda ba loron 3 Janeiru oinsa? fofoun kedas hau marka kedas loron 18 de Dezembru, atu deskuti mosaun sensura. Desde inisiu iha 20 Novembru, kuandu hatama karta mosaun sensura iha 20 Novembru, pois iha 21 Novembru ha konferensia lideres bankadas, hau marka kedas ba loron 18 Dezembru, no data ida ne’ebe paling lambat [kleur. Red] no fiksa ona mais sira lakohi no sira hakarak urjente atu sura deit loron. Hau dehan tiha ona ba sira katak razaun buka la hetan atu obriga governu atu mai lalais ho urjente, depois to iha loron 15 Dezembru, sira husu fali atu tau iha loron 18 Dezembru, loron ne’ebe sira rejeita tiha, pois sira husu fali. Tanba ne’e mak iha loron 18 Dezembru hau anunsia ba governu katak governu tenke mai hatan iha loron 30 nia laran no fo segimentu ba notifikasaun ida ne’e, maka iha loron 3 Janeiru hau haruka, no governu sira hatene ona katak parlamentu notifika ona, entaun karta ne’e ba para fo hanoin deit, aproveita aneksa ho rekerimentu hosi bankada KHUNTO ne’ebe husu atu ajenda iha loron 8 Janeiru kona ba mosaun sensura, entaun iha ne’eba hau aneksa kedas, hodi fo hanoin ba Primeiru Minsitru katak hosi parte opozisaun nian sira husu atu tau ba dia 8, maibe nudar orgaun soberania governu mos bele desidi data ida, governu iha liberdade hodi marka data maibe nia labele liu 30 dias”, esplika Aniceto

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *