Thursday , May 23 2019
Home / Sosial & Politika / ANPM, SEPFOPE no Conocophillips Lansa Treinamentu Vokasional
ANPM, SEPFOPE no conocophillips Hamutuk iha Opening Ceremony Of The Electrical Instrumentation Vocational Training Program.[Foto: Zelia Ximenes | TAFARA.TL | 08.08.2017].

ANPM, SEPFOPE no Conocophillips Lansa Treinamentu Vokasional

Hafoin liu hosi diskusaun naruk, ikus mai Governo servisu hamutuk ho ConocoPhilips bele halao ona treinamentu vokasional ho standar internasional. Lansamentu programa ho tema “Opening Ceremony Of The  Electrical Instrumentation Vocational Training Program” nebe halao husi Autoridade Nacional do Petrolio e Minerais (ANPM) ho kompana sira seluk hodi prepara joven ba industria internasional nebe sei realiza durante tinan rua, iha Centro Formasaun Profesional Tibar, iha loron 08/08/2017.

President Autoridade Nacional do Petrolio e Minerais (ANPM), Gualdino da Silva  hateten “ Lansamentu ba programa formasaun ka treinamentu ba kursu eletrisidade no instrumental nian nebe maka ita halo hamutuk ho esforsu kolektivu entre governu liu hosi SEFOPE, husi industria mak ConocoPhillips, Operador Projetu Bayu-Undan no kompana CEGELEC husi Fransa, halo diskusaun naruk iha tinan hirak nia laran atu bele estabelese no formula ba programa ida ne’e. Ohin determina ona, lansamentu ba programa ne’ebe ita koalia no sei halao ho pakote tinan rua nian. Iha ema hamutuk 30 ne’ebe selesionadu ona tuir prosesu nebe iha. Sira mos hahu ona iha semana kotuk tuir trinamentu ne’e. Trienamentu sira koalia kona ba area Industria hotu-hotu, no agora ita bele hahu ho industria estrativas refere ba iha explorasaun no exploitasaun ba petroliu. Maibe mos la taka dalan ba industria seluk hanesan industria servesa Heineken no mos industria halo konstrusaun, no projetu saida deit mak presiza ema ho kualifikasaun di’ak ba industria nian liu-liu ba iha parte eletrisidade no parte instrumentasaun ninian. Tinan ida tuir bele fornese ona graduadus ba industria ho kualidade kualidade indusria nian.”

Aliende ne’e, Gualdino mos hatutan tan katak, ANPM hanesaun autoridade nebe serviso hamutuk ho kompana sira liu husi konteudu local. Ida ne’e bele loke programa ajuda governu nia esforsu atu bele prepara ita nia graduadu sira hodi pronto ba kompete iha industria sira hotu. Nia mos hatete ida ne’e foin primeira vez ita halao no programa no standar internasional. Ne’e hanesan hanesan projetu pilotu ida  no iha tinan 2 nia laran ita sei halo fila fali evaluasaun ba programa ne’e.

Diretor ConocoPhillips Timor-Leste, Jose Lobato hateten “Ami kontente tanba programa formasaun vokasional eletrisidade no instrumentu ne’e ami  koalia no  halo diskuiti kleur tiha ona, no konsege duni hahu no ohin ita halo abertura ba trinamentu. Ami sente kontente ho rezultadu ne’ebe ita koalia. Conoco Philips reprezenta projetu Bayu-Undan ninian, laos deit ami nia kompannia maibe sei iha kompannia balun mak tama iha projetu bayu-undan ninina. Prinsipio finansamentu maka fo ba projetu formasaun vokasional ho valor USD 2 Milioens ba tinan rua. Treinamentu ba eletrisidade ne’ebe fo tuir estandar internasional. Kompana husi Fransa mak sei halao trinamentu ida ne’e. Kompana n’e iha esperensia di’ak ho treinadu ba seitor petrolio no mos ba iha rai seluk ninia. Ha’u kontente liu tanba skill nebe sai husi treinamentu ne’e laos ba deit setor petroliu maibe ba iha seitor hot-hotu.” Hateten Jose Lobato ba TAFARA.TL.

Iha fatin hanesan , estudante ne’ebe tuir formasaun ne’e, Teresa do Carmo Pinto hateten “ hahu husi primeiru tuir seleksaun, ha’u la espera katak ha’u ho kolega feto ida mai nain rua mak liu iha selesaun  ne’e. Ikus ha’u sente kontente tebes tanba bele liu ona, no ha’u espera katak ha’u tuir formasaun foin primeira vez no formasaun indutr ho kategoria internasional. Iha trinamentu ida ne’e foin primeira ves implementa iha Timor-Leste tan ne’e mos ha’u mos kontente los bainhira ha’u liu iha selesaun ida. iha pasu ida ha’u bele liu ona. Ha’u nia mensajen ba feto maluk sira oinsa atu ita bele hakas ita nia an. Iha pasiensia, konsiensia ho iha hanoin nebe positive. Labele arogansia hodi nu’une ita bele kompleta malu hodi bele serviso hamutuk avansa ba oin no kapasita ita nia an di’ak liu tan hodi iha futuru mai ita iha preparasaun ona. Difilkuldade nebe ha’u infrenta mak lingu nebe ami, uza maka lingua ingles. Maibe ha’u sei esforsu ha’u nia an atu bele tuir formasaun  to hot, tanba industria ne’e inportante no ha’u sei esforsu   tuir kursu to remata.” Hateten Teresa.* [Zelia Ximenes | TAFARA.TL | Editor: Ato “Lekinawa” Costa | 08.08.2017].

About Zelia Ximenes

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *