Wednesday , June 19 2019
Home / Divertimentu / APFTL Halo Kompetisaun Kadi Kakutak, Hodi Selebra Loron Mundial Juventude
Regu C husi Eskola Sao Pedro hatan hela pergunta husi Juri.[Foto: APFTL].

APFTL Halo Kompetisaun Kadi Kakutak, Hodi Selebra Loron Mundial Juventude

Kompetisaun kadi kakutak, kompetisaun ne’ebé mak iha tenke halo ho Civiku no Dame, bazea ba tema refere ‘foinsa’e hari dame’, tanba iha kompetisaun sempre iha lakon no manan.

Alumi Parlamentu Foinsa’e Timor-Leste (APFTL) hetan apoiu husi Sekretariu Estadu Juventude no Desportu (SEJD), organiza eventu kadi kakutak ba eskola Sekundariu sira, ho objetivu atu selebra loron mundial Juventude ne’ebe sei monu iha loron 12/08.

Liga ho eventu kompetisaun kadi kakutak ne’ebe mak kompete husi eskola sekundariu sira, Prezidente APFTL, Zaulino Gomes da Silva, liu husi nia diskursu abertura esplika, eventu ida ne’e, eventu kompetisaun, ho tema mundial “Foinsa’e Harii Dame” ho nune’e kompetisaun ne’ebe halo tenke ho civiku, tenke halo ho dame, manan ka lakon ide ne’e kompetisaun.

“ida ne’e hanesan fo espasu ba estudante sira, oinsa atu bele prátika sira nia matenek, sira nia koñesimentu, liu husi eventu sira hanesan ne’e, para depois ita bele hatene ona katak estudante sira iha duni potensia, iha duni abilidade ba material sira mak ita prepar”, hateten Zaulino, iha Uma Biti Boot SEJD, 10/08/2017.

Iha fatin hanesan Direktor Nasional Juventude, David Tomas de Deus hateten ba jornalista sira, aktividade ida ne’ebe mak halo, parte hosi selebra loron internasional ba juventude.

“por tanto ita selebra loron internasional juventude, ita halo mos atividade hanesan ne’e, para oinsa ita atu haree ita nia estudante sira ninia koñesimentu, kona ba ita ninia istoria Timor nian, ita nia konstituisaun RDTL no mos ita nia sistema eleitoral sira, ita atu sukat oinsa mak sira nia koñesimentu kona ba material sira ne’e”, hateten David de Deus.

Iha parte seluk nu’udar Professor Eskola Teknika Informatika Dili, Henrique E. de Deus, bainhira lori estudante sira, hodi partisipa iha kompetisaun ne’e, atu bele aprofunada ba estudante sira nia koñesimentu.

“Lori estudante sira mai iha ne’e, ho objetivua atu tuir certame ka kadi kakutak, entaun liu husi aktividade ne’e atu aprofunda ka aumenta estudante sira nia abilidade, liu-liu iha material sira ne’ebé APFTL fo ba sira, materi ne’ebe importante, nune’e la’os sira atu kompete atu hetan 1 lugar ka 2 lugar, maibe liu husi aktividade ida ne’e, bele aprofunda sira nia matenek liu-liu iha material sira ne’ebe mak sira aprende”, hateten Henrique ba jornalista sira.

Iha sorin seluk estudante Eskola Sekundariu Geral 4 de Setembru UNAMET, Madalena da Conseição Monis ba Tafara.tl sente orgullu hodi partisipa iha certame ida ne’e, tanba ida ne’e importante hodi kadi tan kakutak hodi sai matenek liutan.

Madalena hatuna katak, esperansa ba kompetisaun ne’e, hakarak hetan valor ne’ebe mak sufisiente ka valor ne’ebe mak di’ak, no importante liu, bele hetan esperensia atu nune’e bele aumenta koñesimentu kona ba ita nia istoria Timor ne’e rasik no mos kona ba ita nia orgaun soberania.* [Emanuel Andrade | TAFARA.TL | 10.08.2017].

About Emanuel Andrade

Check Also

Bintang Festival Sei Realiza Konsertu ba Daruak iha Timor-Leste.

Banda Musika rai laran no Jamrud hosi Indonesia sei anima komunidade Timor sira iha municipio …

Leave a Reply

Your email address will not be published. Required fields are marked *