APFTL Lamenta Ho Deklarasaun SEDPAK Iha Media

“Ba entidades Governu sira bainhira atu hasai desizaun hodi halo deklarasaun hotu, tenki hatudu maturidade iha desizaun no linguajen, hodi nune labele hamosu dezentendimentu ba publiku”. Zaulino Gomes

Alumni Parlamentu Foinsa’e Timor-Leste [APFTL], hatoo deklarasaun relasiona ho statementu Sekretariu Estadu Desportu Promosaun Alta Kompetisaun [SEDPAK], Osoriu Florindo da Conceicao Costa, konaba utilizasaun eskritoriu APFTL iha Becora ne’ebe hateten katak APFTL uza edifisiu refere, “hodi tein toka muzika, soe foer arbiru no rame-rame toba to dadersan”. Deklarasaun refere tuir komunikadu imprensa ne’ebe hatoo hosi APFTL, Osorio Florindo hatoo iha loron 1/06 iha notisia kalan iha kanal GMNTV.

Ho deklarasaun refere liu hosi konferensia imprensa, 04/06, APFTL lamenta no rejeita deklarasaun hosi SEDPAK. APFTL hato’o ba publika katak, deklarasaun ne’ebe SEDPAK hasai la bazeia ba faktus no avidensia ruma, hodi hasai deklarasaun iha publiku. SEDPAK la imparsial hodi hasae deklrasaun ne’ebe rona deit hosi parte ida no la rona husi Parte APFTL.

“APFTL konnese saida mak APFTL halo, hanesan informasaun ne’ebeb APFTL informa ona ba iha SEDPAK, liu husi karta formal iha loron 30/04/18, ho numeru ref: 2018/APFTL/IV/058, no karta refere sedauk hetan resposta to agora hosi SEDPAK rasik no SEDPAK hasai ona informasaun ne’ebe mak la imparsial hanesan deklarasaun ne’ebe mak iha media GMNtv”, hateten Prezidente APFTL, Zaulino Gomes.

Iha konferensia imprensa mos APFTL esplika konaba visaun no misaun katak APFTL nudar organizasaun naun governamental sem fim lukrativos ne’ebe hamrik independente, imprasial no apartidaria ho nia prinsipiu ativismo, sivismo no voluntarismo.

APFTL husu ba SEDPAK, Osoriu Florindo Da Conceicao Costa, hodi husu relatoriu atividade ba kargu xefia sira iha SEDPAK, hodi hetan informasaun kona-ba APFTL. Husu ba SEDPAK atu respeita no konsidera jovens sira nia kontribuisaun iha prosesu dezenvolvimentu nasional, atraves uza rasik sira nia talentu, kreatividade, rekursu no ideias inovativo no konstrutivu.

APFTL mos deklara katak prontu husik espasu ka sede ne’ebe dadaun ne’e APFTL utiliza, bainhira hetan despaisu ofisial husi entidades relevantes, maibe tenke iha razaun fundamentu ruma. Ba entidades Governu sira bainhira atu hasai desizaun, hodi halo deklarasaun hotu, tenki hatudu maturidade iha desizaun no linguajen, hodi nune labele hamosu dezentendimentu ba publiku.

Tuir deklarasaun hosi APFTL, ne’ebe hatoo hosi Zaulino Gomes katak SEDPAK la halao nia obrigasaun no responsabilidade nudar membru governu ida ba juventude, hanesan hatur ona iha artigu 19 KDRTL. APFTL prontu kualker tempu atu halo dialogu ka debate ho parte relevante kona-ba asuntu refere. * [ Virginia Pereira | Editor: Zevonia Vieira | TAFARA.TL | 05.06.2018 ]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.