Monday , October 22 2018
Home / Sosial & Politika / Asanami: Frente 3 importante Tan Ne’e Timor ukun an, Ohin Loron Koalia Konaba Programa
Prezidente PD, Mariano Sabino 'Asanami' halo entrevista ho jornalista sira iha palacio prezidensia. [Foto: Zevonia Vieira | 23.01.2018]

Asanami: Frente 3 importante Tan Ne’e Timor ukun an, Ohin Loron Koalia Konaba Programa

“PD la aseita ema koalia fali rezistensia no utiliza rezistensia nudar instrumentu no fahe fali Frente diplomatika, frente armada no frente klandestina. Frente sira ne’e importante hotu mak ohin loron Timor ukun an”. Asanami

Relasiona ho eleisaun antesipada ne’ebe sei monu iha fulan Maiu, paritdu sira prepara sira nia programa hodi aprezenta ba povu, hodi nune’e povu sei hare no tetu. Prezidente Partidu Demokratiku, Mariano Sabino ‘Asanami’ responde ba media STL sei lao hamutuk ho Fretilin ou lae? Asanami hateten laos tempu ida ne’e para tau koalia, sei liu hosi konfenresia mak sei koalia ida ne’e, “prinsipiu mak ne’e, partidu hotu tenke kaer nafatin prinsipiu ne’ebe mak ita hatur iha Konstituisaun, tanba Konstituisaun mak loke dalan ba ita, hodi iha multipartidaria no Konstituisaun nudar matan dalan, “partidu sira labele hanoin deit ba ukun, maibe partidu sira tenke iha responsabilidade ba konstruksaun estadu, nasaun ne’e ita hotu nian, ema lubuk ida 350 mill Timor oan mate mak nasaun ne’e ukun an, labele iha kakutak ne’e hanoin ba ukun deit, maibe tenke hanoin ba konstruksaun estadu, kaer prinsipiu valores beala sira no Konsitituisaun. Rai ne’e povu hotu nian”.

Asanami mos hatutan katak, rezistensia ne’e ema hotu halo no ohin loron koalia konaba liberta povu, ne’e koalia konaba programa entaun tenke komesa koalia ida ne’e. PD la aseita ema koalia fali rezistensia no utiliza rezistensia nudar instrument no fahe fali Frente diplomatika, frente armada no frente klandestina. Frente sira ne’e importante hotu mak ohin loron Timor ukun an.

“ohin loron koalia kona ba programa, para hodi bele atinji duni luta ba ukun rasik an ne’e, atu moderniza sosiadade, atu transforma sosiadade, atu uza ona rasiosinu povu nian para vota. Demokrasia iha buat tolu katak rasiosinu, media tenke sai instrument para debate ema nia rasiosinu no laiha ema ida monopoli lialos tanba lia los ne’e povu mak determina. Ohin ukun ne’e povu nian, povu mak desidi se mak atu ba ukun”, afirma Asanami.

Asanami mos konfesa katak ba PD eleisaun antesipada ne’e tristeza boot no laos kontente tanba gasta osan no gasta povu nia tempu, maibe uniku dalan ida ne’e deit para povu fo fali konfiansa, hodi ukun ne’e lao ba oin ho diak.

Hatan ba TAFARA.TL iha palacio prezidensia, 07/02 liga ho kampanna eleitoral, PD sei kontinua lori programa VII Governu hodi ba kampanna?

Asanami hatan katak programa VII Governu ne’e programa povu nian, programa ne’e autor principal mak PD ho CNRT, ne’ebe mak transforma sai Planu Estratejiku Dezenvolvimentu Nasional [PEDN], ohin Fretilin ho PD kaer ida ne’e tanba ne’e PD sei kontinua konsistente, hodi kaer planu estratejiku ne’ebe aprezenta iha parlamentu.

Partidu Demokratiku husu ema hotu tenke lao duni hosi prosesu ida ne’e, para halo tasak liutan demokrasia no kultura demokratiku, tanba ne’e ema hotu tenke pasensia, haraik an ba malu, koalia programa no aposta ba saida mak bele resolve ba povu nia moris. *[Zevonia Vieira | TAFARA.TL | 09.02.2018]

 

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *