Friday , February 23 2018
Home / Sosial & Politika / Asanami: PD Afirma Pozisaun Nudar Kontinuador, Realiza Povu Maubere Nia Mehi
Membru CCF, Aniceto Guterres, Prezidente PD, Mariano Sabino, Sekretariu Jeral Fretilin, Dr. Marí Alkatiri no Prezidente KPN PD, Adriano Nascimento hasai foto hamutuk iha III Konferensia nasional partidu Fretilin. [Foto: Dr. Jose Ramos Horta | 10.02.2018]

Asanami: PD Afirma Pozisaun Nudar Kontinuador, Realiza Povu Maubere Nia Mehi

Prezidente Partido Demokratiu [PD], Mariano Sabino ‘Asanami’ iha konferensia nasional ba dala III, hosi partidu Fretilin, iha loron 10/02 iha Gymnasio Maliana hateten katak PD afirma nia pozisaun nudar kontinuador hodi realiza povu maubere nia mehi.

“Rai ida ne’e rai republikanu no rejime ida ne’ebe ita uza ukun povu ida ne’e, ba nasaun ida ne’e, maka rejime demokratiku, tamba ne’e partidu demokratiku afirma nia pozisaun nudar partidu kontinuador realiza mehi povu maubere nian, katak ukun ne’e povu nian no ita impresta hodi servi sira”,hateten Asanami

Asanami konfesa katak PD mos iha baze fundamentu tolu ne’ebe importante, hanesan nasionalista, demokrasia no fiar nain. Tuir Asanami katak nasionalista laos deit totalidade no integridade ba nasaun, laos deit ba teritoriu maibe nasionalista kaer valor funu nain sira nian, hodi konstrui nasaun no estadu ida ne’e. estadu bele adopta ho semi prezidensialista, maibe konstrui nasaun ida ne’e, valor mehi beiala no heroi funu nain sira nian, ne’ebe sira husik hela, no sempre temi mate ka moris ukun rasik an.

Iha fatin la hanesan, bainhira PD halo enkontru ho Prezidente da Republika hodi deskuti kona ba loron eleisaun, Asanami afirma ba TAFARA.TL katak prinsipiu partidu hotu tenke kaer nafatin, prinsipiu ne’ebe mak hatur iha Konstituisaun, tanba Konstituisaun mak loke dalan, hodi iha multipartidaria no Konstituisaun nudar matan dalan, “partidu sira labele hanoin deit ba ukun, maibe partidu sira tenke iha responsabilidade ba konstruksaun estadu, nasaun ne’e ita hotu nian, ema lubuk ida 350 mill Timor oan mate mak nasaun ne’e ukun an, labele iha kakutak ne’e hanoin ba ukun deit, maibe tenke hanoin ba konstruksaun estadu, kaer prinsipiu valores beala sira no Konsitituisaun, rai ne’e povu hotu nian”.

Asanami mos hatutan katak, rezistensia ne’e ema hotu halo no ohin loron koalia konaba liberta povu, ne’e koalia konaba programa entaun tenke komesa koalia ida ne’e. PD la aseita ema koalia fali rezistensia no utiliza rezistensia nudar instrument no fahe fali Frente diplomatika, frente armada no frente klandestina. Frente sira ne’e importante hotu mak ohin loron Timor ukun an. *[ Henrique S. De Jesus | Editor: Zevonia Vieira | TAFARA.TL | 12.02.2018]

About Henrique Soares de Jesus

Check Also

CNC Estabelese Biblioteka Chega Iha Eskola Canossa

“Centru Chega nia planu atu loke ba eskola hotu-hotu, fulan hira nia laran sei loke …

Leave a Reply

Your email address will not be published. Required fields are marked *