Sunday , June 24 2018
Home / Sosial & Politika / Asanami: PD Sai Instrumentu Hodi Servi Povu No Nasaun, Marí: Maske Lakon Lasama, Maibe La Lakon Nia Identidade
Prezidente Partidu Demokratiku, Mariano Sabino Asanami.[Foto: Timor Agora].

Asanami: PD Sai Instrumentu Hodi Servi Povu No Nasaun, Marí: Maske Lakon Lasama, Maibe La Lakon Nia Identidade

“PD partidu ida boot, tanba ho ninia estrutura toó baze, hodi avansa mesak iha eleisaun antesipada. Hatudu momos PD partidu ida ba future. Jerasaun foun iha responsavelidade boot ba futuru nasaun, tanba neé tenke serbi ho kapasidade no kualidade ba povu nia moris diak”. Marí alkatiri

Prezidente Partidu Demokratiku [PD], Mariano Sabino ‘Asanami’ iha konferensia nasional PD nian iha Delta Nove, hateten nasionalista ne’ebe sempre jura, bainhira asumi kargu, bainhira sai militante sempre dehan, prontu atu hatutan espiritu funu nain sira, hodi konstrui estadu maubere no nasaun. Maubere sai Estadu de Direitu no Demokratiku ida.

“Ita Prontu Atu Partidu Demokratiku sai hanesan instrumentu ida deit para hodi servi povu no nasaun Timor-Leste, depois de lasama Laiha, ita tau liafuan ida katak ita prega ba nia iha Eleisaun Presidensial 2007, ita tau Hun ida, abut ida, Povu ida no Rai Timor ida deit”, hateten Asanami

Ba konferesista sira, iha 10/03 Asanami afirma katak partidu demokratiku Hamriik ho nia prinsipiu rasik ne’ebe mak durante ne’e koalia hodi realiza no konstrui povu maubere nia Mehi, tamba ne’e mak laiha naran naruk ida ba PD, maibe so deit Partidu Demokratiku.

“Ita nia misaun seluk ida mak ita muda kultura de resistensia ba funu nian ba kultura dame, hakmatek, paz, demokrasia no sivilidade. Ne’e maka ita nia misaun importante ne’ebe ita tenki refleta no intera iha konferensia ida ne’e”, dehan Asanami

Entertantu iha Konferensia ne’e Prezidente PD no nudar membru governu iha VII Governu Konstituisional louva no agradese ba Presidente da Republika, povu no juventude Loriku Aswain ba grupu arte marsiais oioin, ne’ebe mak ho hakmatek iha fatin, “ita Louva agradese no hakruk ba esforsu tomak matenek i determinasaun ne’ebe maka ita nia Presidente Lu Olo halo, iha situasaun ne’ebe defisil i uniku Presidente ida ne’ebe maka dizolve parlamentu no ukun ne’e fo fila fali ba nian nain, liu husi eleisaun antisipada”.

Iha konferensia ne’e Assanami mos esplika ba jornalista sira katak, objetivu husi konferensia ne’e maka koalia konaba programa ne’ebe durante ne’e FRETILIN ho PD hare no interpreta, foti duni husi baze Planu Estrategiku Dezemvolvimentu ba implementasaun tinan lima, ne’ebe maka aprezenta iha Parlamentu Nasional no ida ne’e maka dinamiza no reazusta liu tan ba hanoin no komprimisiu Partidu Demokratiku lao ba oin.

Iha fatin hanesan, Sekretariu Jeral partidu Fretilin, Dr. Marí Alkatiri hateten Partidu uniku mak PD, maske lakon lider Fernando Lasama, maibe la lakon nia identidade, “ami fo ami nian kabas hodi oan sira hamrik iha leten hateke ba oin”.

Marí Alkatiri konsidera PD hanesan partidu jerasaun foun ne’ebe uniku tanba kontinua eziste hodi partisipa ativu iha prosesu dezenvolvimentu durante tinan 15.

“Partidu Demokratiku ita bele dehan moris depois referendum, maibe uniku nafatin eziste. PD moris iha ambiente demokratiku hodi haburas demokrasia, paz no estabilidade. Moris ho esperitu joven, karakter joven no moris determinasaun juventude ”, hateten Marí.

Marí afirma mos katak PD partidu ida boot, tanba ho ninia estrutura toó baze, hodi avansa mesak iha eleisaun antesipada. Hatudu momos PD partidu ida ba future. Jerasaun foun iha responsavelidade boot ba futuru nasaun, tanba neé tenke serbi ho kapasidade no kualidade ba povu nia moris diak.

Rezultadu hosi ne’e Partidu Demokratiku afirma sei lao mesak ho identidade rasik iha eleisaun antesipada. *[Henrique S. De Jesus |Editor: Zevonia Vieira | TAFARA.TL | 10.03.2018]

About Henrique Soares de Jesus

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *