Saturday , April 20 2019
Home / Siensia & Teknolojia / ATEC Eziste iha TL, Hodi Fortifika Sistema Infrastrutura Ho Kualidade no Efisiensia
Membru Associação Timorense de Enginheiros Civis [ATEC], halo konferensia imprensa. [Foto: Dokumentu ATEC | 09.04.19]

ATEC Eziste iha TL, Hodi Fortifika Sistema Infrastrutura Ho Kualidade no Efisiensia

Associação Timorense de Enginheiros Civis [ATEC], ejiste iha Timor-Leste, hodi kontribui ba dezenvolvimentu infrastrutura iha Timor-Leste.

Liu hosi komunikadu imprensa ne’ebe distribui ba media, Asosiasaun Enjiñeru Sivil Timor-oan nian ne’ebe harii iha loron 23 Marsu 2013, esplika katak Asosiasaun refere harii hosi Enjiñeru Sivil Timor-oan sira, ne’ebe halao knaar iha area oin-oin , hanesan setor publiku, privadu no akademiku, “ho hakarak atu bele ajuda, kontrolu no fortifika sistema infrastrutura ne’ebe ho kualidade, efisiensia, efikasia no orientasaun ba dezenvolvimetu ekonomia lokal”.

Liu hosi komunikadu imprensa Asosiasaun ne’e esplika liutan katak objetivu hosi ATEC nia ezistensia atu sai asosiasaun ida ne’ebe bele halo observasaun no fo asistensia teknika ba infrastruturas nia kualidade, failansu no ezekusaun ba konstrusaun hirak ne’ebe relasiona ho enjeñaria sivil iha Timor laran tomak.

“ATEC prontu atu kolabora ho entidade hotu-hotu atu elabora serbisu Enjiñeru Sivíl nian sai professional no bele produz kualidade serbisu ne’ebé diak liu tan. Dala barak, problema infraestrutura ne’ebé iha, no mosu failansu maibe laiha peritu Enjiñeru Sivíl nian ne’ebé bele halo estudu ruma no fó sai komentariu própriu. Tanba ne’e, ATEC mos prontu atu aprezenta peritu Enjiñeru Sivíl sira hodi fo opiniaun no solusaun ba problema konstrusaun sivíl iha ita nia rai laran”, esplika iha komunikadu imprensa

Tuir esplikasaun mos katak ATEC sei lao ho nia misaun katak atu halibur Enjiñeru Sivíl Timor-oan sira, hodi defende no fo valór ba sira nia profisaun no promove dezenvolvimentu Enjiñaria Sivíl iha sira nia knaar-fatin sira hotu, dezenvolve ninian atividade sira, nafatin núdar entidade téknika, kultural no independente; la asume pozisaun sira politiku-partidaria nian no simu Enjiñeru Sivíl sira hotu, la deskrimina ideolozia polítika, fiar, origem, rasa no sexu.

Misaun seluk ne’ebe ATEC implementa mak reprezenta Enjiñeru Sivíl Timor-oan nian hamutuk ho poder politiku sira, no klase identidade seluk, kultura ou téknika sira, ho kolaborasaun efetiva, iha setór hotu mak ho ninian kompeténsia, ba dezenvolvimentu tékniku no Kultural Estadu nian, halibur ho entidade nasional sira seluk Enjiñaria Sivíl nian ba ninian progersu no independência, Promove relasaun entre knaar profisional no formasaun Enjiñeru Sivíl, liu husi aproximasaun permanente entre profesional no Universidade, ho objetivu atu integra ensinu, peskiza no knaar profesional.

“Divulga Kódigu Étika Profisional no ejije ninian obediênsia restrita, kolabora ho autoridade múnisipal no lokál sira iha estudu no fó solusaun ba problema sira maka iha relasaun ho Enjiñaria Civíl, luta hodi haluan merkadu traballu Enjiñeru Sivíl sira nian no defende no proteje meiu ambiente no rekursu natural sira, proteje area ne’ebé ekologikamente importante, konserva biodiversidade no estimula kriasaun unidade konservasaun ecossistema”, esplika porta-voz, 09/04. * [Zevonia Vieira | TAFARA.TL | 09.04.2019]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

APFTL Divulga Informasaun Internet Saudavel, Zaulino: Uza Sala SosMed, Bele Fo Risku Ba Ema

“Ohin loron media sosial ema barak utiliza sala, dalaruma problema mosu desentendimentu, bele fo risku …

Leave a Reply

Your email address will not be published. Required fields are marked *