Saturday , April 20 2019
Home / Sosial & Politika / Australia Sei Oferese Ro’o Patrulha Rua Gratuita Mai Timor-Leste
[Foto: TNI Angkatan Laut].

Australia Sei Oferese Ro’o Patrulha Rua Gratuita Mai Timor-Leste

Premeiru Minsitru, Dr. Marí Alkatiri ba jornalista sira iha Aero Porto internasional, Prezidente Nicolau Lobato, Comoro Dili, esplika katak ekipa hosi governu Timor-Leste halo ona viszita ba fatin estalheiru navais nian no Australua sei oferese Ro’o rua gratuita mai Timor-Leste.

“Ami ba visita estalheirus Navais, portanto iha ne’ebe mak sira halo Ro’o patrulha ninian ba ita nia tasi hanesan tasi mane, bele dehan manu bo’ot mai ne’e, laos Ro’o naran-naran mak tama. Uluk kedas Australia atu quase impresta ro’o atu mai ita, maibe iha tempu ne’ebe Primeiru Ministru Xanana seiduak hakarak simu, tamba ita sei diskuti hela problema Fronteira ninian, agora fronteira define ona falta deit atu asina iha Nova Yorke, sei marka data I entaun konsulta malu dehan bele ona, ita bele simu ro’o rua ne’e. Tamba ne’e mak hau lori Estadu, lori Governo nia naran no povu tomak nia naran hodi simu Ro’o rua ne’ebe Australia sei entrega mai ita”,  esplika Marí.

Fundador RDTL ne’e salienta liu tan katak, ro’o ida agora ne’e laos ona impresta, no sei kaer rasik husi ema Timor Oan. Manutensaun ba roo sira ne’e, durante tinan naruk Australia sei fo nafatin apoiu mai Timor. Ho Ro’o rua ne’e bele garante ona katak  tasi mane ne’ebe baibain ema naok ikan bele kontrola. Ema ne’ebe sei kaer ro’o ne’e sira sei treinu hotu. Australua sei fo ro’o segundu maun uluk, atu nune’e bele treinu Timor oan sira, bainhira ro’e ne’e prontu, sira sei entrega mai Timor ro’o rua.

Iha fatin hanesan Xefe Estadu Maior Jeneral F-FDTL, Lere Anan Timor hato’o agradese ba Australia no husu atu labele depende demais

“ita fo agradese ba Australia tamba bele fo ro’o rua mai ita, mais hau lakoi depende demais ba ema, hau tenke depende ba hau nia an, se pro ezemplu ro’o rua atu fo ne’e, laos aban tamba ate lima to neen anos mak ro’o to’o”, hateten Lere.* [Jesuino Marcal de Jesus | TAFARA.TL | Editor: Maria Zevonia | 06.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *