Tuesday , April 23 2019
Home / Eleisaun Parlamentar / Babo: CNRT Sei Apoia Partidu Koligasaun Ba Programas Balun Liga Ho Interese Nasional
Prezidente CDN Partidu CNRT, Dionisio Babo halo entrevista ho jornalista sira hafoin remata enkontru ho Prezidente da Republika, Dr. Francisco Guterres Lú Olo, 13 September 2017.[Foto: Zevonia Vieira | TAFARA.TL | 13.09.2017].

Babo: CNRT Sei Apoia Partidu Koligasaun Ba Programas Balun Liga Ho Interese Nasional

Insidensia parlamentar katak laiha komprimisio politiku no laiha akordu ida, katak sei apoia ba programas balun ne’ebe iha interese nasional. Dionisio Babo

Prezidente Comisaun Diretiva Nasional Partidu CNRT, Dionisio Babo Soares ho ekipa, reprezenta partidu CNRT hasoru malu ho Prezidente da Republika, Dr. Franciso Guterres Lú Olo.

Hafoin remata enkontru ho Prezidente da Republika, Dr. Francisco Guterres Lú Olo, Dionisio Babo esplika ba jornalista katak Prezidente da Republika hakarak rona injestasaun Premeiru Ministru nian ne’ebe mak partidu koligasaun sira aprezenta ona ba Prezidente da Republika.

“CNRT nia pozisaun mantein nafatin hanesan uluk katak sai opozisaun iha parlamentu, tuir rezultadu hosi konferensia. CNRT mos kontribui ba iha prosesu dezenvolvimentu. CNRT respeita partidu koligasaun sira nia desizaun ba prosesu final ne’e hotu”, esplika Dionisio

Hatan ba perguntas hosi TAFARA.TL karik CNRT sei apoiu liu hosi insidensia parlamentar ba VII governu?

Dionisio hatan katak liu hosi konferensia hateten ona katak, CNRT sei partisipa konstruktivamente iha opozisaun, hodi bele kontribui ativamente ba iha prosesu programa no dezenvolvimentu hotu, ne’ebe mak partidu koligasaun implementa. CNRT sei apoia tuir saida mak bele lao ba oin.

Dionisio Babo kontinua responde perguntas hosi TAFARA.TL  iha palacio prezidente, loron 13/09 liga ho insidensia parlamentar katak apoio sem komprimisiu politiku.

Babo hateten insidensia parlamentar katak laiha komprimisio politiku no laiha akordu ida, katak sei apoia ba programas balun ne’ebe iha interese nasional.* [Zevonia Vieira | TAFARA.TL | 13.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *